اخترنا لكم

من يحترم نفسه ويحفظ مباديه
‏ماحدٍ يقـلل قيـمته واحترامه

‏احـدٍ كـلامـه للـمهـالك يـوديه
‏واحدٍ يفك من المهالك كلامه

.....

في سبيل التضحيه والحب وش قدمتي
‏غير طيفٍ كل ما مال المساء قابلته

‏لازم ارحل يغفر الله سيّتك واكرمتي
‏مابقى لي درب ياصل لك ولا واصلته

‏يوم ايمم وجهي لدربك ولا يممتي
‏ويوم ابيع احلامي لوصلك ولا حصلته

‏لا تقولين السبايب كلها من صمتي
‏والله ان عندي كلامٍ يجرح وْلا قلته

.....

‏هذي دار أبوه ودار جده وذي داره
‏سقى الله ليالي عنتر العبسي وعبله

‏عيوني على ساعه مجيه ومسياره
‏تغني له العرضه وتضرب له الطبله

.....

يالله تجعلني من خيرهه عبادك حظيظ
واكفنيي صكات الايام وظروف الدهر

.....

ا‏مطري ياسحابه فوق داري وغني
ضامي الشوق فينا والاماني كثيره

.....

‏آسـاير ظـروفي ٍ ليتها جت على ودي
‏عسى الله يعدل ميلها لين تصفالي

‏أبصبر ولو حلم العمر واقف ٍ ضدي
‏لعل الحظوظ اتزين في عمري التالي

.....

‏لا تحسف وأبذل الطيب في كل أتجاه
‏من قضى للناس حاجه قضى الله حاجته

.....

الناس مـن حـولك يشوفــك مرتاح
‏ويحســدوا حظــك اذا كنــت رايق

‏مايـدروا ان النفـــس مليانه اجراح
‏والقلـب من كثــر المواجيـع زاهق

‏حال البشر نظراتهم عكس ياصاح
‏مايشعــروا باللـي خفتـه الحقايق

‏يقيموا وضعك على ضحك وامزح
‏ولو كان قلبك داخل الصدر ضايق

.....

مغير أهوجس تقول مضيعٍ حاجـة
واخذ واسند على روحي واهرجها

عبد الله بن عون

ماني ضعيف اشتكي من هيّن الضيقه
عـز الله انـي صبور وربــي ادرى بـي

.....