اخترنا لكم

ما يفتخر في قروم القوم كود القروم
تطرب لتاريخها وتشوش لافعالها

والا الحسد من قديم الوقت طبع الرخوم
اللي عن الطيب دايم تقصر حبالها

تغتاض من مدحة اللي للمعالي تروم
وان زاد عد المدايح زاد سلالها

عشق المراجل واهلها بالرخوم معدوم
ما تعشق الا الردى الله يقطع اشكالها

خليل بن هدلان

اعـتزالي عالمٍ يسمعون وينقلون
عزلة الزاهد عـن العيش بين العالمين

اتركوني خارج الدايره لـو تسمحون
لا بديتوا في مزارق لحوم الغافلين

.....

كبار ما حنّا من أهل التلّفات
‏ونفوسنا من بعض الأشياء عيوفه
‏
‏نقدّر اللي يبيّن وقت المهمات
‏واللي ما كنّه يشوفنا ما نشوفه
‏
‏والحاجة اللي ننتظرها ولا جات
‏إن جات ولا ما عليها حسوفه

.....

تطفو على سطح الوداع السكينة
وتغرق بقاع دموعنا نظرة الخوف

ما بَينَ دمعة وابتسامة حزينة
ضاع بحناجرنا حكي ماله حروف

.....

يالله ياللي تكشف الهم والضيق
يالواحد المعبود رب البريّة

أنت الرجا يالله لا ينشف الريق
دون المشيب ودون خط الوصيّة

يالله طلبتك ما طلبت المخاليق
وكيف بارجو خلق مثلي شقيّة

ياعالم ٍ بالسر وسط المعاليق
أستغفرك من كل ذنب وخطيّة

الهم فيني طوّق الفكر تطويق
والقلب ضايق والمشاعر خفيّة

والعمر رايح وما بقى فيه توثيق
واللي مضى لاشك صعبٍ مجيّه

يالله تجعل كل عمري توافيق
من لحظتي يالله حتى المنيّه

.....

‏يا عبرة يلعب بها الصمت والنوح
وتخفي شفايف صمتها ضيقة البال

الى متى صمتك يردك عن البوح
والى متى حزنك مع الصمت رحال

.....

لا تأسفي يا نفس والناس أطباع
فيهم صفا النية وفيهم جحود

الخير يبقى رغم جور الأوضاع
والحق يظهر لو تطول العقود

.....

‏أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمه

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمه

.....

‏الليل و القمراء ونسناس الهبوب
‏تخلّي الشاعر يغنّي من طرب

‏وانامقفل هاتفي قبل الغروب
‏ومبعد عن الديره ولا حولي عرب

‏معي خوي ٍ لا صدوق ولا كذوب
‏تضارب افكاره ومخّه ماضرب

‏سوالفه يجيبها من كل صوب
‏اقبل على حد الخراب ولا خرب

‏ولا قلت سولف لي عن الظبي اللعوب
‏سولف عن نياقه عساها للجرب

.....

‏كل شي يربطني معك عاش فالبال
‏لو ما آتكلّم صوت قلبي مصدّق

‏يقرا قصيدي من بعد عمري أجيال
‏ويبكي على جرحه بعد مايصفّق

‏حقّقت كل أحلام عمري ولازال
‏حلمي بقربك للأسف ماتحقّق

.....