اخترنا لكم

‏خذت ليالي غيابك من عناويني
‏ماياخذ الطير من ديره إلى ديره
‏
‏وقصايدي فيك والشوق وسهر عيني
‏والبعد والإنتظار وغيره . وغيره

.....

‏يا مناة الروح يا فرحة القلب الحزين
جعلني من شوف زولك وحبك ماخلآ

لايغرك بعد دارك وصكات السنين
والله ان لك يا هوى البال في قلبي ولآ

.....

قلت اعذريني كان في الحب معــذور
والا اغرقيني عاشق في بحــــــــورك

يا اجمل بنات الخلق ياشيخه الحور
الراي رايك وادري الشور شـــــورك

ان قلت احبك والله ان عندي شعور
ان ابتسام الفجر يشبه شعـــورك

.....

ليه الأيام خرساء ماترد السلام
وليه حتي السنين الماضية ماترد

لي سنة رافع كفي بليا كلام
وإنكسر خاطر الغيمة ورد الرعد

.....

من غلاتك مابـــقى فيني غـــــلا
يشهــد الله مالكٍ قلبي غـــــــلاك

الحبيب ان حب عمره ماســــــلا
وانت قلبي ماخبر يومٍ ســـــلاك

ان حكيت وقـلت لـــبيه وهـــــلا
كم يطـرب مسمعي عذب محكاك

انت عندي غير عـــن كــل المـــلا
ياحبيبي صورتــك عندي مـــلاك

ماحـدن بالكــون عمـــره مابــــلا
وانت قاسي يالغــلا هــذا بـــلاك

حدني وقتي وانـــا جيتـــك ولا
ثابتن عهدي وانــــا كـلي فـــداك

لايهمك مـــن يـروح ومــن خــلا
لـــو يروح الكون انا باقي معـاك

.....

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

.....

‏سرى الليل وعيون المولع على الجوال
‏يراقب ظهوّر الصاحب اللي على باله
‏
‏يخاطب نجوم الليل لامن ليله طال
‏لعل النجوم تطمن القلب عن حاله

.....

نتعب علي الطيب والايام ملحوقہ
‏واللي يقدر غيابك يحفظ اسبابك

‏الصاحب اللي رزين وعذب منطوقہ
‏احفظ حضوره مثل مايحفظ اغيابك

.....

تِتمتم نظرة عيونك وتفهق عتمة الديجور
‏تناوش فرحة أعيادي وتسحرني رياحينك

‏تمد الشوق في غمرة شعور وتستميل النور
‏وتسرقني من العالم وأعيش بلطفك ولينك

.....

‏جاملت بعض الناس قدر المستطاع
‏و ازريت في حالي بصبري واجهدي

‏الايام تكشف كل من يلبس قناع
‏وتظهر لك الجيد وتكشف لك ردي

‏ومن عافنا عفناه لو نمسي جياع
‏م حنا على طرد المقفين انعدي

.....