فوق هام السحب ( الشعر الشعبي) على متن القوافي

‏الصمت يغني عن كثير من الكلام
‏والحظ ياحظي من القلب جافل

‏راحت ليالي العمر احلام واوهام
‏كتاب عمري من عنا الشوق حافل

.....

‏ما طمعنا غير في طاعة الله والصلاه
‏وخوّة اللي خوّته مايجي فيها ردى

‏الكفو نقدّر جنابه ولا ينقص غلاه
‏والجمايل بين الاجواد ماتذهب سدى

.....

‏تمتلكني بالغياب و بالحضور
لا تشكك بالضمير المنفصل

و لا تراقبني متى أخر ظهور
دامني في نبض قلبك متصل

.....

نمشي مع التيار ماندري لوين
تفكيرنا مركون دايم على جنب

نتبع رجال الدين اكثر من الدين
ونخاف فعل العيب اكثر من الذنب

.....

‏ماني بحي ّ الله تحده على اقصاه
‏حتى لو اني عن مقامي تواضعت

‏انا السماء ما لي على قاعك اشباه
‏شريت نفسي بالمعزه ولا بعت

‏لولا الصبر والصمت والحِلم والجاه
‏ضاعت وجيه الناس وآنا بعد ضعت

‏من طاح من عين الرضا حقّه وجاه
‏انا عن اللي ما يناسبني ترفعت

.....

‏سهجت مشرافه وقلبي على سيم
‏معلقٍ بين الأسف والندامه

‏حالة مريض الحب تحتاج تقييم
‏واخلاء طبي في سبيل السلامه

.....

‏فالهوى لا يشبع الشخص رغباته
‏التّشبع في العلاقات ينهيها

‏ياحبيبي فرصة الحب فوّاته
‏والعناق اهم حاجه نسوّيها

‏ضمّتن فيها حنين وتنهّاته
‏لا تروح وعاد لي خاطرً فيها

.....

‏أطهر ثرى وأصدق علم وأرفع مقام
‏ما يشبهك غيرك عسى خيرك يدوم
💚

البنادم دائــم ٍطبعه يحـــب ويكره
‏يمكن اللي يكرهه له فيّه خير وخيره

‏امس واليوم انتهى ماضيه باقي بكره
‏كـــل يـــوم ينتهي ماضيه عد لغيره

.....

‏والله ما مثل التوكل على الله
‏يملي لك الدنيا سعاده وتوفيق

‏واللي يردد دايم أستغفر الله
‏تلقاه مايدري عن الهم والضيق

.....