اخترنا لكم شعر نبطي وفصيح

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

والروح تشكي غلايا جــور الاغيابي
بالله عليـــك يا غــلايا ليـه سايبها

.....

‏طبعـي على جبـــر الخواطــر تربيت
ودرب التواضــع والتفاهـم مساري

ماعمــــري اتخليــــت وإلا تغليت
ولا خذلــت انســان فــي انتظاري

وانا بفعل الطيــب دايــــم تعليت
وصنايع المعروف عنــدي ضماري

ولاجانــي الصاحــب اغثته ولبيت
وفعل الجمايـل في حياتي شعاري

.....

‏جیتك علی طاري مساء الورد مشتاق
جیتـــك وانا محتـــــاج منــك زيارة

عملت لك منشـور ونشرت هشتاق
خايف یبيت الشـــوق خـــارج دیارة

ياساكن أعمـــاق أنا حيـــل مشتاق
وعقلي مـــن الأشــواق خارج إطاره

إحساس قلبي يرتجي ضمــة إعناق
ولا غيــر شوفــــك من يطفي نياره



.....

‏تبعـد على عيني وباقـــي في القلب
وسط الخفوق اللي ذبحها التنهات

غالي ومايعلـم غلاتك سوى الرب
اللي زرع حبك معي داخـل الذات

مهما افترقنا يا حياتـي في الدرب
ذكرك مساير خافقي كل الاوقات

واتذكرك دايم ولاانساك يا حب
وطيفك بروحي مافرقني ولامات

.....

‏جیتك علی طاري صباح الورد مشتاق
جیتـــك وانا محتـــــاج منــك زيارة

عملت لك منشـور ونشرت هشتاق
خايف یبيت الشـــوق خـــارج دیارة

ياساكن أعمـــاق أنا حيـــل مشتاق
وعقلي مـــن الأشــواق خارج إطاره

إحساس قلبي يرتجي ضمــة إعناق
ولا غيــر شوفــــك من يطفي نياره


.....

‏حاول توازن بين عقلك والإحساس
‏وعيش الحياة اللي تبيها لذاتك

‏إن كنت بتوّقف حياتك على الناس
‏بتموت ما سويت شي بحياتك

.....

من يرخصك بالتجاهل اكرمه بالرحيل
‏ومن يقطعك بالمواصل احذر تواصله

.....

الليّ بدون أسباب صد وتجاهل
ماعندنا إلا غير نفس التصرف

يجوز في بعض الأمور التساهل
إلا التساهل بالمقام المشرّف

.....

‏يا لله العجب وشلون ورد الحب صار اشواك
‏جرح قلب المشاعر من قبل لايجرح إيديها

‏دموع القلب لو كفت مواجعها لعين رضاك
‏عزفها الناي باوتار الحزن وابدى خوافيها

.....

أجـي قد الهقاوي البيض لو فيهـا علي إرهاق
ما أجي قد الظروف اللي علي الوقت فارضهـا

.....