اخترنا لكم

‏تخطي واسامح وانا الحين سامحتك
‏لا عاد تخطي لان خطاك يزعجني

‏احرص على القلب دام العين رافعتك
‏ان طحت منها قسم بالله تكرهني

.....

‏لا تذل النفس دايم وترضى بالنزول
‏ولا يجي منّك رخامه وتحريض وريا

‏مستحيل تحصل العز وتنال القبول
‏وانت ما عندك كرامه ولا عندك حيا

.....

‏الود بين الناس ماهو مطر صيف
‏تضحك سماه وتختفي في ثواني

‏الود له قيمة ومعنى وتشريـــــــف
‏فيه احترام ووصل طيب ومعاني

.....

على الهون ياسود الليالي تراني ماش
ونفسي من ظروف الزمن باح خافيها

عيوني على حظي وحظي طريح فراش
والآمال ماندري على وين تاليها

.....

‏لا صار لك غالي وشانت علومه
‏إصبر ولا تشكي همومك والاحزان
‏
‏إذا تغيّر صاحبك لا تلومه
‏هذا الزّمن تغيّرو فيه الاخوان

.....

نعيش الحياة ومانبي الا سلامتنا
‏لنا بالظواهر مالنا في خوافيها

‏ولو الناس فب بعض القناعات لامتنا
‏ترى أهم حاجة فالاوادم مباديها

‏على كل حاجه نصبر إلا كرامتنا
‏هي الحاجه اللي ما نساوم حدٍ فيها

.....

ما بين الصعب وبين الخوف والتجريب
أحاول ما أميل بيوم ولا تتشرد أفكاري

أمرّ بمرحلة صح أو خطأ أو صدق أو تكذيب
كأني تايه في شيء ولاني عارف أقداري

أنا يارب ما أدري وش اللي ينكتب بالغيب
ولكن رحمتك أكبر من اللي فيه أنا داري

.....

‏وشلون إنسان واحد يملك احساسك
وتصيـر دنـيـاك تتمـحــور حـواليـنـه

انا شربت الهـوا بـيديـك ومن كاسـك
والقلب لآمن عطش بالوصل تسقينه

.....

يازين عز النفس لو كان يفقرك
وياشين ذل النفس لو كان يغنيك

.....

كل هذا الغيث قطره من سحابه
وكل هذا الحب نبذّه من غلاي

من دريت إن بالمطر دعوه مُجابه
وأسمك أكثر أسمٍ أذكره في دُعاي

.....