اخترنا لكم

انا لامنها تساوت في عيوني الأمور
ما عاد تفرق معي غدت سوا كلها

اللي علي ماتمر اسمحلها بالمرور
لو اني افطن لها ماكني افطن لها

.....

‏لا إله إلا انت ياربي وانا مطلوبي
سترك من العالم اللي يحترون الزله

قبل روحي لاتفيض أغفر جميع ذنوبي
وثبّت لساني بكلمة لا إله إلا الله

.....

على مرقب العليا عروش الـمراجل كوم
تفضل واخـذ منها متـر في متـر وافـلح

يــروم الـنـوادر واحــدً لانـصـوه الـقـوم
يـحـل القضـايا قبل لايـلبس الـمشـلح

.....

لاقمت اتحاشا الناس واقفي شوي شوي
ولاعاد صرت احب اسولف على من شفت

تراني من الدنيا واهلها نفضت يدي
ومن جملة احلامٍ كثيرة قنعت وعفت

ناصر الحمادين

الياء اقبلت لك شهب الايام باقبال
عطها نحرك و مقبل الوقت مقفي

ترى السنين حداد و عراض وطوال
و الرابح اللي تالي العمر معفي

من شال هم الوقت وضروف الأحوال
ان عاش فوقه ذاري الجور يسفي

حط الك بصمة طيب في كتب الاجيال
وعمرك سراج تالي العمر يطفي

‎سعد الجذع

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

الفجوج اوساع والضيق فالقبر الهيال
والغناة بروج وشموخ الأنظار الدرج

أعرف أنك صعب لا كثر من حولك جدال
وأعرف إنك راس لاطرًف الذيل وهرج

عش معزز لو ماتملك جنيه ولا ريـال
خير لك من شرح ظرفك لفراج وفرج

.....

ياصاحبي ماللفقارى بني عم
يوم الغني كلٍ يجيك ابن عمه

.....

أنا لاذكــــرت المـــوت وأمفـارق الأحبـاب
تضايقـت ثــم جريــت ونـّه بأثــر ونّـه

ومن حطتـه دنياه مابيـــن ضــرس ونـاب
يذوق المراره والعـــرب لاهيـــه عنّـه

لاشك السعيـد أللي من الذنب عاف وتـاب
توجـــــه لربـه خالــــق النــار والجنّـه

.....

لا تزهم المقفي ولا تقول لّه ليه
لا صار مقفي عنك مالك ومـاله

حذراك حتى للنظر في محـاريـه
اجزل عنه جزل الرشا عن محاله

خله يـروح وطول الايـام يرضيـه
ممكن إقفـايـه خير لك من قباله

ما يتبـع المقفين غير المسافيـه
اللي على مـا قيـل زايـد اهبــاله

.....