اخترنا لكم

ماهو بشرط النور نور المصابيح
النور والله نـور قـلـب وبصيره
.
ترى طراة العمر ذكرٍ وتسبيح
دام البنادم بين طـاري وسيره

.....

للرجل لامنك عرضت العزومه
لا تحرج الرجال في كثر الاديان

اعزم وجوب وفرحةً في قدومه
وليا رفض معذور والعلم نيشان

ترا العزومه فال ماهي خصومه
تقدير ويقدم من إنسان لنسان

الناس كلاََ وسط صدره علومه
وفلان ظرفه يختلف عنك يافلان

.....

بعض الخلايق مثل الافعى والحنشّ
يتصيّد العثرات ويبثّ السموم

وبعض الخلايق مثل حرّك تبتلشّ
تمزح معه ويجيك فالعجّه يحوم

وبعض الخلايق لايهشّ ولاينشّ
لاينطح الغاره ولايقضي اللزوم

ياراسي الشامخ تنصّب وانتعشّ
واللي يطيح يطيح جعله مايقوم

.....

تلاث مذمومه وضايع سندها
على ردي الحظ ماهي غرابه

زلة رفيقٍ فالمحافل قصدها
وطعن القريب اللي يخون القرابه

وااللي من الثنتين امرْ وادها
اللي يخون الدار وقت الحِرابه

.....

تدري وش اللي يرفعك عند مولاك
والحاجه اللي تجعل الناس تغليك

لا زانت اخلاقك وطابت نواياك
وثابت على نهجك وصادق مباديك

وتدري وش اللي ضر دينك ودنياك
لاشانت اخلاقك وبارت مساعيك

والناس من حولك تذمك وتشناك
وخاب الرفيق اللي هقى هقوةً فيك

.....

الكذب ما احبه ولا اطيق راعيه
ولاتنبني بيني وبينه علاقه

اللي لا سولف قام ينفخزعلابيه
وليا بحثت العلم مقطوع ساقه

اللي يزوٌرْ هرجته وش تبي فيه
قلعة سواليفه ومطيب فراقه

لا شانت الدنيا وشفت الغرابيل
والصدر ضايق من هموم المعاصي

صل الصلاه الخاشعه تالي الليل
واسجد بقلبك مع سجود النواصي

وازبن على اللي رحمته تسبق الويل
ما خاب منهو جاه تايب وناصي

اللي عليه المغفرة والتساهيل
رازق جميع الخلق داني وقاصي

.....

من قصّة آدم وحنّا ابليس معمسنا
يالله يارب لاتبحث خفايانا

ياكثر مانذنب ونخطي على أنفسنا
وياكثر مايغفر الله من خطايانا

لولا الشيم والقيم والدين يحبسنا
يمكن تغيّر سذاجتنا سجايانا

وسلوم اهلنا من الماضي يحسسنا
بالواجب على دربه مطايانا

.....

ياللي عزمت الضيف وتقول عيا
الضيف يفطن للعزيمه لياجات

شكله يعرف انك عزمته كذيا
بعض العزايم مثل قولة خدمات

.....

هـذا زمـان الي يـغـره زمانـه
من طيشته يشوف محدٍ بقده

وده يجي مكان ماهـو مكانه
والناس حتى فالرخا ماتعـده

ماعنده امجادن تثبت كيانه
لاذكر ابوه ولا ذكر فعل جده

.....