اخترنا لكم

لو كان نحسب كل زلـة وتقصير
كـان البشر ما فـيـهم اللي نـوده

عيش وتعايش في حياتك مع الغير
وإذا أرتـخى حبل العلاقات شـده

ومن لا يبي شوفك عسى فاله الخير
مـن راح لا تـطـرد وراه وتـرده

.....

يافاطري حني حنينك بلاحيك
كلٍ رقد وانا اخر الليل واعي

في ديرة الاجناب والله لاضريك
بالمبرك الصّفره وعقل الذراعي

.....

أنا ويش ابا بالرفقه اللي ماهيب اتدوم
علاقـة مصالح وآخر الوقت منـتهيـه

جدايد علاقتها عزايم وحب خشـوم
وبعد ما انتهت مالحيةٍ قالت إلّحيـه

.....

لا صارت الخوه هروج ومناقيد
ماللي وراها يابن الاجواد حاجه

ان كان ماللطيب فيها مواريد
طارت مع اللي طيرتها العجاجه

.....

نصون العهود ونحفظ الود والتقدير
ولاتخلف الدنيا واهلها مبادينا

تطمن ياراع الخير ماحاصل الا خير
ترانا على هقوات منهو هقى فينا

.....

الخبل لامنه تجرا على النــاس
قـام يتـبعج بالمجـالس خبالــه

أما نقل لـه هرجةٍ مالـها راس
والا صنـع لـه كذبةٍ من حلالـه

.....

ماهو بشرط النور نور المصابيح
النور والله نـور قـلـب وبصيره

ترى طراة العمر ذكرٍ وتسبيح
دام البنادم بين طـاري وسيره

.....

اليا أبليت بكملتن مالها علاج
عوجا وجاتك من عوج صد منها

دور لها يامحكم الشور مخراج
ولا تنشد اللي جابها عن ثمنها

مانته مكلف بين ناقل وهراج
أرفع مقامك يابيض الوجه عنها

.....

فكر بحالك وانتبه في خطاياك
حاسب ضميرك لاتمادى بعيبك

الموت ماتقدر ترده اليا جاك
وماقدر المولى لزومٍ يصيبك

خلك على اللي يرفع الراس ممشاك
وتواضعك للناس من زود طيبك

واحذر من التقصير في حق مولاك
وابعد عن اللي في حياتك يعيبك

.....

صواريخ العيون النرجسيه
رمني من هدبها واوقعني

هدفها تقتل النفس البريه
الا يالله بها لاتمتحني

.....