اخترنا لكم

تعال زف السوالف وانحر سكوتك
شوفتك عندي بهالدنيا ومافيها

عودتني كل صبح اصبّح بصوتك
عوايدك خابر انّك ماتخلّيها

.....

الحاجه اللي تمرك بين فتره وحين
‏احلا من الحاجه اللي دايم تشوفها

.....

تمر الشمس والقمرا تحت شبّاكي المكسور
ولا أدري كم صباح وليل مرّ من توادعنا

.....

الي يبي العز لاينشد عن الراحه
نيران الامجاد تبغى من يصاليها

.....

‎لآ تشـتري ميزان توزن به الناس
الـناس مـا يوزنها إلا الشدايـد

عند الشدايد كـل مخلوق ينقاس
وتـرجـح الكفـات لاهـل العوايـد

.....

السحاب اللّي جحدني يوم أجي له ظامي
‏لا يجيني لا أرتويت ودمعته مصبوبه

‏والشروق اللّي تمنّيته يزيل عتامي
‏ما قدرت أشرق معاه ولالحقت غروبه

‏الفضا الّلي ما يعاتب بالغياب أنسامي
‏ليه ألومه يوم غابت عن فضاي هبوبه

‏والله أن الدمع ما جرب يضمّ أكمامي
‏كيف أصافح بسمةٍ من خاطري مسلوبه

.....

سمي وش اللي بس تبينه وألبيه
لا رحم أبو من لا سعى في دلالك

من بحة حروفك الين آخر التيه
ضاعت علومي بين رجفه حبالك

أنتي القصيد العذب وأنا مغنيه
وأنتي القبول اللي تخير جمالك

ودي ألم الوقت حولي وأهنيه
وأكايد الحظ الردي في سؤالك

.....

ياليل لاتسرق من عيوني النوم
كافي سهر ماعاد للعين قدره

.....

‏نور الـمساء اللي على طلتك فاق
يقطف من اشواق المحبين باقـه

بينك وبين المساء تحتار الأذواق
سكـر حضـورك نادراً في مـذاقـه

.....

‏اسجد لربك واحضن الارض في ذل
لاضاق صدرك من هموم المعاصي

واخضع خضوع العبد يوم القدم زل
وانص الذي ماخاب من جاه ناصي

.....