اخترنا لكم

‏ماودي أدعي عليك ويقبل الله دعاي
‏وأشوف حالتك عقب الدعاء تندمر

‏الله يغفر خطاك ويحسن الله عزاي
‏عن كل لبيه بلساني وتآمر أمر

‏أعذارك الكاذبه طوفتها من وفاي
‏لين أصبح العذر ماله خانه ولا ممر

.....

عطني وعد نبقى على الحب ماشين
مهما حصل درب الغلا مارجعته

عشان لا منك تغيّرت بعدين
اذكرك في وعدك اللي قطعته

.....

‏الله خلقها حشيمه من سلالة حشام
‏ما تطاوع النفس في حاجه وتحتالها

‏كريمة شعور لو ما بعض الأوادم كرام
‏لو طالوا الغيم محدٍ منهم طالها

‏تسكت مثل نظرةٍ تسوى جميع الكلام
‏تاخذ من الصمت عز ومن الكبر فالها

‏ مرت عليها ليالي ما تمر بسلام
‏تقدر بوجه الليالي توقف لحالها

.....

محتاج لك يارب في كل خطوه
ومحتاج للتوبه قبل قطع الأنفاس

خوفي من ذنوبي على حين هفوه
ومن زله لساني على درب الإفلاس

يارب

كم من حبيب عن حبيبه تخلّى
هذا نسى حبه وهذا مفارق

الا انت حبك بالضماير تولاّ
أخذ على قلبي عهود ووثايق

وأستبشر الخاطر بحبك وهلاّ
بشرى السجين بيوم فك الغلايق

.....

‏الفراق اللي يهد الحيل ماله خانه
كل ما حاول يجرّك مع طريقه ‏عَيّي

‏وكان فرطتي بحبي فأنتِ الخسرانه
‏والله إن تبطين وانتِ ما لقيتي زيّي

.....

‏عقب الفطور وعقب شرب الفناجيل
‏ما عاد تلقى من الاوادم مصخن

‏العاشق يجر اللحن والمواويل
‏وعج الزقاره فوق راس المدخن

.....

يميّز الإنسان عقله وثقله
وأنا بعمري ما تصنعت ثقلي

أخاطب الجاهل على قد عقله
وأخاطب العاقل على قد عقلي

.....

‏العمر يمضي مابين ذنوب فعل وكلام
‏والرابح اللي كسب ثنتين دنيا و دين

‏ياربي أبي أمنية يوسف عليه السلام
‏توفني مسلمً وألحقني بالصالحين

آمين

‏سادك الحزن يا وجهٍ من أول ضحوك
‏رحت محدٍ درى عن روحك المُنهكه

‏شاحبة بسمتك وش فيك لافض فوك
‏بسمتك بسمة المهزوم في معركة

.....