فوق هام السحب ( الشعر الشعبي) على متن القوافي

‏خالي و كني في زحام قلبي تلهب وانشوى
‏ما عاد اميز بالحشى والا على الضو الجمر

‏وين انت يا داعي سلام وين انت يا بايع دوا
‏ردولي النومه ترى بالعين جلاد السهر

.....

‏أحبّك جعل حبٍ يجي من بعدك يعاف
‏وأنا حالفٍ حبك مع الوقت ما أخونه

‏ليا شفت وجهك والله إن ما علّي خلاف
‏فلا تنشد اللي شاف غايته وش لونه

.....

يموت العذر ويموت العتب دام الغلط مرجوع
‏ويبقى الحب مرسول السلام اللي يواسيني

‏تطمّن يا حبيبي لا تقول وصالنا ممنوع
‏وانا في كل يوم القاك بين دعاي وآميني

‏تمادى فالطعون الخضر مادام العتب مرفوع
‏ترى قلبي ملاذك لا نويت تطيح من عيني

.....

‏والله مـدري وش تـصاريـف الايــام
‏يالله عـسى في تالي الـوقت خـيـره

‏يارب تـفـرج هـم من جاك منـظام
‏انت الوحـيـد اللي تـعرف السريـره

.....

‏غاية العاشقين الي خذاك الغرور
‏انا الي كبرت قدرك لين صابك كبر

‏على العموم التعاسة يقتفيها سرور
‏اهم حاجه بخصتك وانت كلك نظر

‏ ماني بزعلان والدنيا تلف ودور
‏يجيبك الوقت متضايق وتطلب عذر

‏كلامي الي سمعته لا يمرك مرور
‏بذكرك فيه كان الله عطاني عمر

.....

‏اقرأ من القرآن وأدعي وأصلّي
‏وأدناة ذنبٍ مرني رحت وإياه

‏يا رب لا تغضب على عبدك اللي
‏يضحك قبل ذنبه ويبكي لا سوّاه

.....

‏سبحان من حط وصلك في عـيوني حـلال
‏وان شفت غيرك من الخشيه أغض البصر
‏
‏لو فرّقتنا الظـروف الظـالـمه والـليـال
‏انت الغـلا طـال عـمر الحـب ولّا قـصـر

.....

‏يابو قلب أطهر من ثيابك ليا صليت
‏يابو ضحكه من تبتسم يبتسم كوني

‏يابو وجه يغار القمر منك لا طليت
‏وش العمر من دونك ودنياك دوني

.....

‏الطواري تالي الليل تلعب في الضمير
‏والله إن بعض الطواري تجي مستلعنه

.....

‏يانفس تـوبي عسى الله يـغفرذنوبك
‏كوني على اللي مضى يانفس ندمانه

‏تـخطـين دايـم وربي يـسـتـرعيوبك
‏الى مـتى فـي دروب الـلـهـو طربانـه

.....