اخترنا لكم

اكـتـب على كــف المقـاديـر راضـي
مـا فيه احـد صدره من الهم فاضي

.....

‏سلام مثـل الغيث تحيا به القاع
يحـيي قلوبن ماتحـب القطيعه

قلوب تربطها الاخـوه بالاجماع
تتبادل المعـروف فـوق الوسيعه

.....

هنا امجاد الحياه وفخرها واعزازها المغمور
تحلق في سما الهيبه وتتعلى منابرها

دام عزك ياوطن

يا باقي العمر دنيــا الناس خداعة
تجــري سفنها ولا نعرف مراسيها

تطوي من أعمـارنا باليوم والساعة
والعــالم الله كيف نعيش باقيهــا

يالله بحسن الختام وصادق الطاعة
وأعمــال تبقى تبيض وجه راعيهـا

نفــوسنا في الـدنا ما هي بطمـاعة
وصدورنــا تاســع اولهــا وتـاليهـا

يامـا صبرنا على اللي شينه طباعـه
فضـلا عن اللي طباعه نفتخر فيهـا

ونغـض طرف الحياء عن ناس بياعة
من بيعـة الرخص عل الله يهدبهــا

ويامــا حملنا زمان الجـور واوجـاعه
ولا شـكينــا ولـو جـارت عـلاويهــا

والليل لو طــال عاد الصبـح مطلاعه
يشـرق ويبدي لك القصـة وما فيهـا

.....

دارت الايام وأنتي مثل ما أنتي
‏تجبرين كسور قلبي بإبتسامه

‏تنكسف شمس المحبه لا حزنتي
‏ما على جرح الهوى غير الملامه

‏من دخلتي صدري الخايف امِنتي
‏ما بعد رجفة غلاك إلا السلامه

‏قمت أرتب فوضى قلبي من سكنتي
‏موطنك قلبي إلى يوم القيامه

.....

لك حق تزعل ثم لك حق نرضيك
‏ما اقوى زعل حبيب قلبي وعيني

‏ما دام قلبي يا اريش العين مغليك
‏اطلب ولك روحي وما في يديــني

.....

‏مابين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح أو خطا أو صدق أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

فاقدك و الليل يسألني عليك
‏وده من الشوق يجمعني معك

.....

‏باب الغلا لأجلك محصّن ومقفول
‏حتى ولو غيرك طرقه وتسوّل

‏حبّك يحكم القَلب ويصول ويجول
‏فارض على العشّاق حظر التجوّل

‏أنا معك عن باقي الناس مشغول
‏وأحنّ لك وأحتاجك أكثر من أوّل

.....

فيك الشهامة نابعه من مباديك
‏وفيك الكرم ميزه وطبع وعوايد

‏الكفو فوق المعالي دايم احتلها
‏لاجيت ترقى مكانه ماتحصل طريق

‏تجف الاقلام في مدح الكفو كلها
‏محال تلقى قصيده في جنابه تليق

.....