فوق هام السحب ( الشعر الشعبي) على متن القوافي

اكتب على كيفك ترىٰ الناس تقراك
وان كنت طيّب طاب مثلك كلامك

خذها نصيحه وخلّها دوم ويّاك
كل ما احترمت الناس زاد احترامك

.....

‏يـاهواي وشف بالي ومطلوبي
‏كل كلمة حب في خاطرك قلها

‏عطني من الود حقّي وماجوبي
‏واكشف اسرار المحبين وازهلها

‏وان قضى هرج المحبّه يامحبوبي
‏مفردات الحب عدها من أولها

.....

‏اقرأ من القرآن وأدعي وأصلّي
‏وأدناة ذنبٍ مرني رحت وإياه

‏يا رب لا تغضب على عبدك اللي
‏يضحك قبل ذنبه ويبكي لا سوّاه

آمين

‏عجزت أوصف ملامحها وأنا شاعر
‏ومن يوم ماشفتها تملاني الدهشه

‏حنا بدو فالحروب ألعن من الكافر
‏لكن بوقت الغرام قلوبنا هـشّه

.....

‏يابو قلب أطهر من ثيابك ليا صليت
‏يابو ضحكه من تبتسم يبتسم كوني

‏يابو وجه يغار القمر منك لا طليت
‏وش العمر من دونك ودنياك دوني

.....

يازين السعه والبعد عن قوم قال وقيل
وعن اللي لسانه يمنع الناس من قربه

.....

عسى الله يجمّلني مع العالم الوافين
‏ربوع السعد والخير والطيب والخوه

.....

ياما على وصـلـك ركضت وتعـنـيت
وفـتـحت لك قلبٍ من الحب تـايب

والحين عنــك ياهوى البال صـديت
حال الفراق وخاطري منك طايب

.....

تولعت ومشيت الدرب لا فاقد ولا مفقود
‏وأثرني كل يوم أكتب قصيدة وأخسر سنافي

أجاهد في سبيل الحبّ كلّه لأول العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف حبٍ عفيف وخاطرٍ صافي

.....

آعطيه من وقتي يسولف واسمعـه
وارخي له فوادي وارخّي مسمعي

من كثـر ما قلبي وتفكيـري معـه
آشتاق له حتى الى قـد هو مـعي

.....