اخترنا لكم

من عاون المعتاز في ساعة الضيق
لامات يبقى في سماء المجد ذكره

ازرع بـذور الخير بارض المطاليق
واللي زرعت اليـوم تجنيه بكره

.....

‏الزعل اخطر محطه من محطـات العـلاقه
والرضى لولاه ماشفت المخاليق استفادو

مالعب في كبودنا ياكـود زلات الرفـاقه
ان زعلنا قاطعـونا وان دمحناها تمـادو

.....

‏أحيـان ننـدم مـن كـلامٍ نقولـه
‏وأحيان نندم ليه نسكت عن القول

‏الله يعيـن الحـرف لحظـة هطولـه
‏أنا أشهد أنه يكشف عقول وعقول

.....

خلك ابخل شخص في سوق الكلام
وخلك اجبن شخص في طعن القفاء

وان بغيـت تكـون فـي اعـلى المـقـام
احـسب الـف حسـاب مـن كلمة افاء

.....

‏هذي حياة مسطرين التواريخ
وهذي مضاربهم وهذا دبشهم

من دونها كم راح شيخٍ ولدشيخ
ماتروي حياض المنايا عطشهم

.....

الظروف تفر راسي وانا بالي طويل
ما ذبلت عزوم نفسي ولا ذليتها

الليالي ما عطتني سوى الشي القليل
بس روحي من قليل العطا أغنيتها

.....

حاولت اسوّي كل ما يقنع الراس
وشفت العَتب بين العباد متفشّي

مهما تسوي خير لا تامن الناس
اللي يبي الايام تمشي يمشّي

.....

ﺃﺭﺧﺺ ﻋﻼﻗﺎﺕ ﺍﻟﺤﻴﺎﺓ ﺍﻟﻤﺠﺎﻣﻞ
ﻭﺍﻗﻮﻯ ﻋﻼﻗﺎﺕ ﺍﻟﺤﻴﺎه ﺍﻟﺘﺠﻤﻞ

ﺍﻷﻭﻟﻰ ﻣﻦ ﺑــﺎﺏ ﺧﺒﺚ ﺍﻟﺘﻌـﺎﻣﻞ
ﻭﺍﻟﺜﺎﻧﻴﻪ ﻣﻦ ﺑﺎﺏ ﻗﻮ ﺍﻟﺘﺤﻤّﻞ

.....

مد الاجناح وإلا طيح من راس ضاحه
لا توقف إذا ما اقدر يشيلك جناحك

حاول انك تقول الصح قبل الصراحه
والغلط لا تظنه يوم يطلق صراحك

الغلط في عقيم الفكر مسرح وساحه
وانت لا تقترب منه يلامس وشاحك

خل بينك وبين اللي تحبه مساحه
لين ماتشرق الفرحه وتسعد صباحك

.....

لقد دَبَّتْ بجُنحِ الليلِ رِجْلِى
على رَجُلٍ ولم يَكُ في حِسابي

فقال مُهَزِّئًِا هلْ أنتَ أعمَى
فقلتُ نَعَم وَدَوَّاسُ الكِـــلابِ

.....