اخترنا لكم

الجو رايق والهوى فيه نسناس
‏والغيم متجمع بـوسط السما فوق

‏يالله ترحم ميت الارض والناس
‏وتشفي قلوبٍ مسها الضيق والعوق

آمين

لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

بعض الرسايل مالها اليوم داعي
محرمه ماهي على نهج الإسلام

لون راعيها حكيم وواعي
ماراح ينشرها لنا عبر الاعلام

.....

‏ماكل من يسعئ ورا الصيت ناله
‏ليت المراجل بالقصايد والاشعار

‏الرجل صدق بسمعته وبخصاله
‏والا الشعر حتئ المهابيل شعار

.....

البارحة والكثير مْن إنتظاري قليل
‏يفدا ثوانيك عمرٍ ما لحظّه حصاد

‏لا زال طيفك وأنا لا زال بالي طويل
‏يسرق فتات النعاس ويستفزّ الرقاد

‏أن كان باقي معك من الزمان الجميل
‏لا تذخرين المزوح وتسرفين العناد

‏وإن جاورتْك الوجيه وعذربوا بالنحيل
‏قولي كذا حالها حدب السيوف الحِداد

‏السرب يبغي عصافيرٍ تعرْف الهديل
‏ما هو جمل لا هبد وأليا تعنّى جواد

‏شوفي قديمي أنا ما عاد عندي حصيل
‏ما هو غريبٍ عليك ولا جروحي جداد

‏لولا ملامس يدك ما كان عندي دليل
‏أزريت أعلّم شكوك عْيوني أنّك وكاد

‏من حاجتي ما بقى لي عن عيونك سبيل
‏من غربتي ما بقى لأهل المدينة سْهاد

‏ما ياخذ الصبر من عمرٍ سميِنه هزيل
‏غير أستقرِّي بقلبي والمرابع حمَاد

‏لي قلب يبغي هله وأنتي عيونك رحيل
‏عجزت أسحّب حنينه من بلاد لبلاد

.....

بعد سواياك هذي ما لي إلا الرحيل
‏والله لو إنها تمشّي كان مشيتها

‏قلبي هو اللي بكى و الدمع عيّا يسيل
‏لو في عيوني دموع تهل هلّيتها

‏جيت وكملت جروحك بجرحٍ ثقيل
‏وأنا الجروح القديمه ما تخطيتها

‏طحت من عيوني الثنتين في ظرف ليل
‏والله يا طيحتك هذي ما تمنّيتها

.....

‏على كثر الشتات اللي يمـر ويربك افكاري
‏لقيتك ظـلي الثابت معي دايم على الهقوة

‏يا وجـهٍ كل ما ضاقت علي وشانت اقداري
‏ذكرته وانجلى ضيقي وصارت عبرتي غنـوة

.....

‏أخاف شمر مع الايام تدريبه
‏والله يا بيت الفراق ماينقفل بابه

‏حنا خذينا العز والمجد والهيبه
‏وشلون ماناخذ المحبوب لأحبابه

.....

من يحسْد مغنّي القاف لا جرّ الطويل
‏مثل من يحســـد مريض ٍعلى غذّايته

‏القصيد احيان نوعٍ من الطبّ البديل
‏يستــريح ويســتلذّ الحشــى برعايته

.....

دام السماء لله ما ضاقت الأرض
‏ماني من دروب المقــادير جازع

‏عندي يقين يعلم احلامي النبض
‏بكـــره بسيّل للســـعاده مدامع

‏لي موعــد ٍمع ليلةٍ نجمها الحظ
‏أشـــوف فيهـــا ما تمنيت واقع

.....