اخترنا لكم

يعيش الوصل ولا يموت الوصل حتى ايش
مقامي أهم وعزتي فوق مشهاتي

أنا الله خلقني ما أقبل الذل والتهميش
لو أخسر طموح العمر وأغلب علاقاتي

.....

ودي ولكن كيف تحقيق ودي
عيا زماني لايجي لي على الكيف

لقيت من وقتي عناد وتحدي
يمرني عمري مثل عابر الطيف

ياما تمنيت الدقايق تهدي
وياما تمنيت الشتاء ينقلب صيف

.....

‏لاضاق صـدرك واظلمت كل دنياك
اســتقـبل القبــله ووزع همــــومك

ماينفعـك هـــذا ولاينفعـــــك ذاك
ولافيـه غيـر الله يقضــي لـزومـك

.....

صرت اتعمد جلستي جانب النار
عشان احصل عذر لدموع عيني

وإذا سألوني وش بلا دمعك انهار
اقول دخان الحطب مبتليني

.....

مابيك تعطيني على شان أعطيك
‏مانيب تاجر والمشاعر بضاعه

.....

‏مابارت أهدافي لو إن الزمن بار
‏العزم مثل البحر ماله نهايه

‏ذقت الخساير والعزاير والأمرار
‏وسقت العمر كله عشان غايه

‏ما يصنع التاريخ من هاب الأخطار
‏ولا رقا في قمّة المجد تايه

‏ولا يعلم الإنسان عن بعض الأقدار
‏يمكن بعد خط النهاية بدايه

.....

قالت متى تفضى ابي منك بيتين
‏قلت العصر لا من سجع نايح الورق

‏قالت بسيطه هذي الصوره اللحين
‏فكّر بها واحرص عليها من السرق
‏
‏والصوره اللي يا الربع كلها عين
‏ودّي انزلها تصلي بكم شرق

.....

‏عطيتك أگبر مثآل ان المواصل جميل
وعطيتني درس بأن الوقت ماله أمان

.....

‏واجه الخذلان بالصبر والبال الطويل
‏ما أنت بأول من تجمّل ولا آخر من خُذل

.....

قلنا صباح الخير قالت مساء النور
قلت العذر في وجهك اشوف الأشراق

يا للعجب كل ذا الحلا فيك منثور
من شعرك الأدهم الى عّظمة الساق

جابك بطن حوىّ او انتي من الحور
قالت انا اللي بين زورك والأرماق

قلت اسكني وابني من ضلوعي السور
فانتي مكانك خلف زوري والاحداق

وامشي على حوش المعاليق بالدور
واخذي ملفاتً تبي منك الاحراق

وابدي بترتيبي وحطّي بي شعور
ابغى الامل ياصل بي حدود الأفاق

يا فاتنه وجهك من الزين ممطور
والا القمر حوّل وفي مبسمك فاق

مالك شبيّه بين الأجواد مذكور
انتي غريبه والحلا منك ينساق

جيتي مطر ولا على هيئة زهور
او ذا فرج ربي على العبد لا ضاق

يامرحبا ترحيبةً ما بها زور
ياللي دخلتي خلف موقي والأعماق

.....