اخترنا لكم

للصمت وقت وللمشاريه حزّه
واحيان في بعض التغافل ذهانه

.....

لو تحاول ترضي الناس لاجدوى
غايةٍ من دونها السبل مقطوعة

والمصيبة صار حتى الزعل عدوى
لا زعل واحد زعل معه مجموعه

.....

لا تفكر او تحلل حسب ظن
او تخاف ان المحبه ماتدوم

العلاقه قايمه بالرغم عن
بعض مايمكن يسبب من هموم

الوفا موقف على مر الزمن
والثقه بالمبدا الثابت تقوم

بالذي يلزم علينا وانت من
لك مكانه واصله حد النجوم

ما ضعف حبي ولا صابه وهن
واندفاعي ماتراجع بالعزوم

با يضل الشوق يجمعنا معاً
للتواصل والنوايا بالقدوم

من قناعة راسخه تبقى لمن
يستحق التضحيه وقت اللزوم

.....

‏ان حكينا صارت الكلمــة عـذاب
وان سكتنا صارت السكتة ذنوب

يا جدار الصمـت يا عين الصواب
انت قلعــة ما تـدمرهـا الحــروب

فيــك للعاقـل من الـزلة حجـاب
وفيك للجاهل من السقطة ركوب

طالت الرحلة على شيبة وشــاب
واثخنـت فينا المأسي والحـروب

كلما قلنا اشرقت والوقت طــاب
اغدرت ثم اظلمت من كل صوب

وان وزتنــا عنــد حمــال الــركاب
من حضر منا في الموقف ينــوب

ان حكينـا صـار للكلمـة حســـاب
منهـا نصنـع مفــاتيــح القـلـوب

وان سكتنا ما على الساكت عتـاب
خاصـة لـو ما في السـكتـه هـروب

السكوت احسن اذا الساكت مهاب
والكلام افضل من الصمت الكذوب

.....

لامر طيفك اضمه حيل في عيني
ياكيف يقوى يسهرني وهو عابر

اسامره لين احسك تلمس ايديني
والاغرب اني اشوفك وانت مو حاضر

.....

كم كان ودي باللقا تحت النجوم
نسمر باسم الحب والشوق القديم

.....

لو يصبح الخير بين الناس متلاشي
لا زال لي نفس غير الله ما تخشا

ياكل فرصه تقابلني على الماشي
قلبي على الخير والمعروف يتمشا

مالي ومن قال عيش العمر متحاشي
يكفي رضا الله يروي روحي العطشا

.....

الاربع اللي دونها ما اقبل الراي
حبـك ومرجـلتي وداري وديني

.....

‏استانسو ترا الليـالي زايـله
‏ولا تكدركم تصاريف الحياه

‏ماينفع المهموم همٍ شايله
‏الرابح الي يعطي الدنيا قفاه

.....

‏مؤمن بالقدر والصبر إتخاذي
‏ما بعد ضيق الصدور إلا سعتها
‏
‏وش يحزّن خاطري والارض هذي
‏كل حي ٍ فوقها يرجع تحتـهـا

.....