اخترنا لكم شعر نبطي وفصيح

مابعد عسـر الزمـآن الا تيآسـيره
لـو سـود اليـآم تفجعنـآ حقآيقهـآ

بنسوقهآ في رجآ اللي مآلنآ غيره
خلاّق النفـس وكآفلهـآ ورآزقهـآ

سبحانه

قـدّر مـقام اللي يقـدر مـقامك
واجز الذي عاملك بالخير خيرين

أحــــذر تـــنقص للــــوفـي اهتمامـك
مايجحـــِد الوافيــن غير الـردييـن

.....

سلامي على اللي ماتغير مع الايام
‏ ولا زال يذكرنا ولا زال صاحـبنا

.....

‏من يزرع الورد بأرض مالها ساقي
‏يجني ثمار الجفا في سلة أحزانه

.....

‏حنا هل العاداتَ وحنا اللي نفك المنيّع
‏ كم دولةٍ صالت علينا و ارتكينا لهَا
🇸🇦💚

‏لولا الدلال وشبة النار و الكيف
‏والعود الازرق والكرم والطناخه

‏وكلمة هلا واقلط على العز ياضيف
‏ما كان بيت الطيب يعرف مناخه

.....

‏عين الردي يقصر نظرها من الطيب
لو كان شوفه شوف زرقاء اليمامه

يغويه شور قريّبين المحاضيب
ويعميه من كسب الجميل الرخامه

.....

‏سلام مثـل الغيث تحيا به القاع
يحـيي قلوبن ماتحـب القطيعه

قلوب تربطها الاخـوه بالاجماع
تتبادل المعـروف فـوق الوسيعه

.....

ابتسم للوقت لو تقسى الظروف
من سحاب الكون ماضاقت سما

كم كفيف قلبه المُبصر يشوف
وكم بصير قلبه الميت عمى

.....

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفو إن المشاعر قصيده

.....