اخترنا لكم

ويا حي لمس الكف والعنق والخد
‏ يـالـلي تعـدَّى طلـعةَ البـدر خــدَّه

‏في خـايعٍ نبتـه مـن الفـل والرنْـد
‏ وزاده جمال اليـا مِشَـنْ فيه مـرْدَه

.....

يطيح واقف راعي الطيب لو طاح
طيبه رصيده فالشدايد يشيله

يموت راع الطيب والطيب ماراح
يبقى مع الأجيال لو راح جيله

.....

‏ثنتين لو مهـما حصل لا تجي فيك
كـره الـرفيق وحـب مـن لا يـودك

والثالثة كانـك تبي النـاس تعطيك
مكانتك فاعرف مع الناس حدك

.....

‏احذر تشاور كل واحد يمرّك
‏ان شفت رايك صايب اقدح من الراس

‏اما تشاور لك حكيمــاً يبرّك
‏ولا تراك ادرى بنفسك من الناس

.....

ياحـظ بيـت ضـف زولك وربّـاك
‏وياحـظ عيـنٍ تنـاظـرك وأنـت ساهِي

.....

بشتري حزنك لا ضاقت عليك الدنيا
‏وابيع روحي لأجل فرحت عيونك

.....

‏يالله دخيلك من طعـون المناقـيد
‏ومن غلطة العاقل وقـل المـروه

‏ومن كلمة تفهم على غير ماريد
‏يمسـك طـرفهـا منك خبـل مفـوه

.....

‏القلب معك و فدوةٍ لك ليا ضـاع
‏تصرفي به واشتري به وبيعـي

‏لو ضاع والله مايجي فيه شفـاع
‏أنا ولي أمره ولأمرك مطيعـي

‏أما أنت يالمجمول يفداك من بـاع
‏والله مابيعك وأنت زهرة ربيعـي

‏يابو جبينٍ بالدجى له تشعشـاع
‏ومجـدلاتٍ مثل ذيل الطليـعي

.....

‏والله ان قدني من الدنيا واهلها زاهد
‏ والقصايد كلبوها والهوى ودروبه

‏ودي اجلس فاخر المسرح هناك اشاهد
‏البطل والفلم والمخرج وكيف اسلوبه

.....

لاقمت اتحاشا الناس واقفي شوي شوي
‏ولاعاد صرت احب اسولف على من شفت

‏تراني من الدنيا واهلها نفضت يدي
‏ومن جملة احلامٍ كثيرة قنعت وعفت

.....