اخترنا لكم

‏لا خابت الهقوه ترى مابها عيب
‏قلّطتها واشره على اللي فهقها

‏النّيه اللي كانت تصيب وتخيب
‏ضاعت مثل عمياً تغنيّ لصقها

.....

‏نهب قلبي هواك وصار قلبي في هواك أْسير
‏ عيوني زاهدة في كل شي وفيك طماعة
‏
‏ تمنّي ما تبين ولك علي اللي تبين يصير
‏ لي أدوّر رضاك ومالك إلاّ السمع والطاعة

‏دلالك غير عن كل الغواني لأْنك أنت ِ غير
‏ فدى بسمتكْ روح ٍ جاتك مْن الشوق منصاعه

.....

‏اجمع له سمان الهرج خوفٍ من التقصير
‏وإلى جيت بشرح له كلامي تهيزلته

‏يجيني منه هيبة معزة سحى تقدير
‏اقابله عندي علم واروح ماقلته

سعد بن جدلان رحمه الله

‏ما جيت آسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والراي الوجيه
‏يمكن يكون الاعتراف أقسى واحد

‏ما كنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ما قد حسيت فيه
‏وأنت الكلام اللي ما قد قلته لاحد

.....

‏يشوفني عينه وأغلى من العين
‏وأشوف فيه اللي محدٍ فيه شافه

‏عند الزعل ناخذ لنا شوي ونلين
‏البعد لو هو ظرف ساعة نخافه

‏قال أنتِ بس أقول أحبك وترضين
‏وقلت أنت ترضى من قصيدي وقافه

‏كنا ولا زلنا حبايب بسيطين
‏محدٍ على الثاني يطيق الكلافه

‏حنا فبعضنا طيبين ووفيين
‏وعلى بعضنا مانشيل الحسافه

.....

‏ياسعود نام البوح في خانة الصمت
‏ابطى يعاني من ضنا الوجد غافي

.....

‏ما هوب أنا اللي لا خذا حاجته راح
‏مـا أحب هالعاده ولا أحب أهلها

‏والله ما يرضى ضميري ولا أرتاح
‏حتى أدرك لراعي الجميله بدلها

.....

‏ودي احط اسمــك على كل الابيــات
‏واقــــول من يقــــراك هذا حبيبــــي

‏في كل بيت اكتبــك للعالم اثبــــات
‏انك عـــذاب القلـــب وانك طبيبــــي

‏ما احتاج للعالـــم بعدك علاقــــات
‏ان كان حظـــي زين جابك نصيبــي

‏ادعـي وانا ساجـــد بكل الصلـوات
‏اقضي معاك العمـــر لساعة مشيبي

.....

‏طيفك هو المرحبا والمسهلا والسرور
‏وشوفك هي المنوه اللي صعب تحقيقها

‏لك الغلا والتفاني والشعر والشعور
‏وروح تشوف ان وجودك ضمن توفيقها

‏وقفت بين احتياجي لك وبين العبور
‏وما بين شرهات الاحباب ومواثيقها

‏من كثر ما اشوف وجهك في وجيه الحضور
‏صرت اقبل وجيه ناس ٍ كنت ما اطيقها

.....

‏سرحت بخيالي فيك وأسهيت فالتفكير
‏وطلّعت كل اللي مخبّى ورى صدري

‏ما تمنعني حدود المسافة عن التعبير
‏أنا توّي مسولف معك وأنت ما تدري

.....