اخترنا لكم

حبك اللي كف نفسي عن دروب الضياع
لايوردني على الموت فالفصل الأخير

كِثر خيرك في فقيرٍ لقى الدنيا متاع
واغتنى من بعد حبك وصار أغنى فقير

.....

فمان الكريم وفرصة العمر ماهي دوم
‏يادار ربت روح الغلا في مشارفها

‏آجيها وانا متشتت وضايق ومهموم
‏واعود وكبدي ميسم الشوق ناصفها

على اطلالها خليت ضحكة ولذت نوم
وراحة ضميرٍ جاير الفقد خاطفها

.....

ياخليل القلب ماعاد يصلح له خليل
غيرك الله يقلع اللي ليا عاهد يخون

لاتجاملني ترا قلبي أحساسه ثقيل
لو تقول أهلاً وسهلاً يحس انه يمون

أنت لو تدري بحبك طلبت المستحيل
مستحيلً عندك وعندي أهون مايكون

.....

قبل تطرق باب فرقاً ما يقفاها رجوع
اتّزن حتى تفكّر بعقل المتّزن

كل حاجه ترجع الا المكانه والدموع
ما تطيح الا يصير المقام بلا وزن

لا تكابر و الحقيقه ورى باب الضلوع
ابيَن من اثْر الندى اللي عقب وبل المزن

ليه اهدّك في سبيل الجفا والحزن طوع
وانت وجهك و الله انه يحنّ من الحزن

.....

يجرّ المشاعر في مساريك خيط الصوف
‏لو ان خطوة احساسي معك خطوة المنهي

‏انزّل غلاك بمنزلة راعي المعروف
‏على كل يومٍ كنت في فرحته مرهي

‏الى استوطن احساسك من البعد لحظة خوف
‏تذرّى عن الخوف وعن الشك في وجهي

.....

‏خلٍ صناديق صدري منه مختلّه
‏بطّل علي الهوى مع كل بيبانه

‏لين احترق زرع قلبي وانصرم كله
‏والقلب وش خانته لا راح بستانه

‏قلبً شعاه الغرام وصادفه عله
‏ماله اعلاجٍ يلين يشوف خلانه

.....

‏نبتسم في وجه الأيام لو مابه حصيل
‏خاطر الطيـّب ما كل الظروف تكدره

.....

لا تنادي للمقفي ولا تهيم بكل وادي
القلوب اللي تحبك ماهي بحاجة عزيمة

.....

‏أمان الله على قلبٍ ذخر كل الكلام سكات
‏علشان العمر يمضي على قولة محبينه

.....

الوضع مثل ما قال بن جدلان

مرةً اشلا ومرً يعاودني بلاي

.....