اخترنا لكم

‏أقبل على التوبه قبل يقبل الموت
ترى حياة العبد ماهي طويله

تشوتك الاقدار في بحرها شوت
وتغيب شمسك بين يومٍ وليله

.....

‏أيام تاخذنا من الشوق للتيه
‏خلت مشاعرنا الجديده قديمه

‏والموعد اللي ماتت احلامنا فيه
‏ماكان موعد كان مسرح جريمه

.....

صحيح الخطأ وارد لكن الأسف مطلوب
ماهو عيب لازليت ثم جيت متأسف

لكن لا تحاول تلبس الثوب بالمقلوب
تزيد الخطأ بعناد وتصير متحسف

.....

الناس تاهت في وسيعات الدروب
‏ومن لا تعدّل في خطاويه يغدي

‏أكثر من يسولف عن الصدق الكذوب
‏وأكثر من يسولف عن الطيب الردي

.....

المحبة فالصدور اللي تحب ولا تغير
فطرة ما يعرفون أسرارها جيل الإضافة

سرها نبض القلوب اللي تطب ولا تخير
ويسترها وعي العقول اللي تعددها تعافه

أعذريني ماقدر اسير وانا ماني بسير
لين اجي مع باب مقداري قبل باب الضيافة

.....

أنت الحشيم العديم النادر الناهي
‏غيرك من الناس لا شفي ولا لي به

الحبابي

على كثر ما غنىّ المغنى على ليّلاه
‏معايير راحة خاطري ماهي بواجد

‏أبي فرحة إللي رده الله على مرباه
‏وأبي راحة إللي هل دمعه وهو ساجد

الحبابي

‏أمسيت أكبّر هقوة المشتاق فالصبح السعيد
‏وأصبحت وأنت أبعد من البارح ومن عوّادته

.....

‏مابين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح أو خطا أو صدق أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

آمين

‏ما قبلك حدٍ عوّد لعيني بعد ماطاح
‏ولا بعدك إلا الضحكة اللي مضيّعها

‏إذا أن الحياة اللي معك هم ماينزاح
‏أبعيشها بهمومها وبمدامعها

‏تمادى السكوت اللي دفنته ورا الأفراح
‏هذي ضحكتي لي عام وأنا أتصنعها

‏دفعت الثمن في لحظةٍ عشتها مرتاح
‏أبضيع فيها وضاع كل العمر معها

.....