اخترنا لكم

‏عيطموسٍ وصفها فاق عن كل الوصوف
‏من روايع حسنها تذهل عقول الرجال
‏
‏لا عرض لي زولها ويش أطالع ويش أشوف
‏عود ريانٍ ليا هبّه النسناس مال

.....

‏حط لهقوتك في معظم الناس حد وقيد
‏لاترجع مع الاوهام في حرب ومشاجر

‏ضياع العشم يأثر على البال بالتنكيد
‏مثل ما السهر يأثر سواده على الحاجر

‏بعضهم حبال الوصل تمدي معه وتزيد
‏وبعضهم سلام وانت هناك ومواجر

‏احد جيّته لك عيد واحد ٍ مراحه عيد
‏مابين الغلا والكره ومقيم ومهاجر

.....

‏الكـون أصبح ، وأصبـح الملك لله
‏والفجــر شع بنــور صبح التباشير

‏ومنهو سعى للرزق في صبح مولاه
‏ارزقه يا ربـــي من فضلك الخـــير

آمين

مسيتو باجمل بيوت الشعر واكملها
‏اللي تشيل الغلا والحب واشواقي

‏تجيكم ووصوفكم العذبه تجملها
‏مثل ورود الربيع اللي على الساقي

مني لكم....

‏تابعني بصمت اذا لك رغبةٍ فيني
‏وسكر على ذكريات اسمي مع اسمك

‏غالي ولكن طلبتك لا تلاحيني
‏ماضنتي يتفق حسي مع حسك

‏انا مع نفسي ادور مداويني
‏اسلمني الضيقه وخلك مع نفسك

‏محبتك درس واثاره على عيني
‏شكراً جزيلٍ لك وشكرا على درسك

.....

‏خلّ صوتي منسجن لين ما الله يعتقه
‏خلّني معزول الاحداث يالقلب النصوح

‏راثعٍ في البال طاري وفي الصدر اغلقه
‏وان بغيت اروح والله مدري وين اروح

.....

نفوسنا سمحه ونياتنا بيض
‏واللي يجي بقلوبنا بألسنتنا

‏ونقول قول الحق لو انه يغيض
‏هذي معادنا وهذي سمتنا

.....

‏شعوري الليله شعور البدايه
‏بين القديم من السكك والمنازل

‏غريب ماله من ورا الناس غايه
‏وبينه وبين الواقعيه عوازل

‏راحت حياته ينتظر والنهايه
‏يوم اقترب من كل حاجه تنازل

.....

‏العالم إللي تشغل العالم بتحليل الكلام
‏ودك تعزّيها على فقد الثقه فنفوسها

‏والله ما ندري مشكلتها وسوسه ولا إنفصام
‏ولا الرخامه منتشر فيروسها في روسها

.....

‏لا يهمك كلّ نفسٍ للجفا متجهة
‏القلوب الحانية وقت القسى معروفة

‏والله انّ اللي يحبّك تعرفة من وجهه
‏نظرتة فيها حنان وبسمتة مألوفة

.....