فوق هام السحب ( الشعر الشعبي) على متن القوافي

الذاكره عيت لا تمحي الطيبين
‏ صوره على عيني وصوت بمسمعي

‏تمرّ ذكـرى مـن بقايا الراحلين
‏ ان ما انكتم صدري تغارق مدمعي

‏ما عاد فيني للموادع والحنين
‏ اللي يـبـي يرحل يخربها معي

.....

‏أشقيتني فالحياة وجيت تتليني
في صفحتي وش تبي يالصاحب المعني

‏بالواقع اغليك بالموقع لا تغليني
‏في صفحتي دعني اخذ راحتي دعني

‏أنا مايردعني إلا الوازع الديني
‏وإلا أنت وافكارك الخبلة ماتردعني

.....

‏من كثــر مادونت في عشقـك ابيات
ماعاد بقـي لهواجــس الشعر طاقه

كتبت لك مــن كل معجـم عبارات
ومن قصيـد الحــب حالـي مذاقه

وش عاد بكتب مابقى شي فالذات
خِلصــت دفاترنا وخلِصــت وراقه

ماعاد معي غيــــر الوله والتنهات
في داخلـي والشـــوق لآخر نطاقه

.....

اما تبادلنا الغلا ولا دفنته فالتراب
وغلاك لامني دفنته يندفن ذكرك معه

.....

بين الصبر والصمت والخاطر الشين
ما قلـــت يا ليل العنا وش جرالـــي

ومن كثر صـــدماتي بناس العــزيزين
قمت اتحرى صــدمتي مـــن ظــلالي

د. ماجد عبدالله

حسبي على من فرق اثنين حسبي
والله يساامح كل من كان غايب

قلبي معذّب وعرف الحب ذنبي
والمشكله ماني من الحب تايب

أسرفت في حبك شعوري وكسبي
وهذا ومن عيني دفعت الضرايب

رغبة وصالك يا حياتي وطبّي
وإجلال قدرك يا أمير الكتايب

انت الجمال وما على الناس نسبي
ياثامن السبع العظام العجايب

.....

لا تنشـدوني يـا عرب وين باروح
بسري مع الهاجوس وأتبع ظنونـي

الضيقه اللـي تاتـي شوي وتـروح
أحـيان تقعــد لـين تبكـي عيونـي

.....

أزرع حــروفي في ريـاضك معاني
بيني وبينك تنتشـي لا عـرفتك

جيتـك وهذا الشـوق راسم حناني
لوحة مشـاعر في ضـلوعي نقشتك

.....

‏الليل تشبه ظلمته كحل عينك
وشفايفك تشبه غروب أحمر الشمس

لبا البياض اللي على وجنتينك
مدري بياض اليوم ولا بياض امس

.....

لايهمك وصدري درعك الواقي
من ضروف الزمن ماتوصلك ضربه

في عيوني محلك داخل أحداقي
بحفظك ماطلبته جاك وابشر به

طاب لك شفت ذوقك ناسب أذواقي
تحت أمرك بماتنهي وتأمر به

شفت ماطاب لك بامكانك إحراقي
أحكم أعدام في قلبي وعزر به

خذ قرارك إذا ناوي على افراقي
رح بدربك وغيرك حر في دربه

لا تفكر على الله اترك الباقي
كل غدار رب الكون يغدر به

وضعنا اليوم كله كذب ونفاقي
كل من حب أصبح ناوي الهربه

.....