اخترنا لكم

مصيبة عزيزالنفس دايم من الكتمآن
يخفي الوجع مآيبغي النـآس تشعربه

ينوح الغريب ويشتكي غربة الاوطآن
لكن غربة المغبون هي والله الغربه

.....

القلوب اسرار والدنيا عبر
‏والعمر لو طال تاليه الرحيل

‏والخواطر كسـرها ماله جبر
‏لو يعيد الوقت ماضيه الجميل

.....

‏ماقلت لك بكرة نفارق وننسى
‏وتقول فال الله ولا فال فرقاك
‏
‏شفنا مع الأيام نكبر ونقسى
‏لين افترقنا مابقى غير ذكراك

.....

‏اتصّبر عقب طول الجفا حتى غديت
‏غصنٍ اومت به سموم الدهر لين انبرا

‏ليتني ماجيت ضميان ولا يوم جيت
‏ماطلبت من الهوى شرب وظلال وذرا

‏والغرام انواع والذ واقسى مالقيت
‏حبٍ تشوف العنا والهنا فيه خشرا

.....

‏يابنت يالي بالهواتف تسلين
‏عصر الهوا والحب يابنت ولى

‏لا تسهرين الليل والناس ممسين
‏ مع غشيمٍ بالمحبه تسلى

‏اليوم يخضعلك وزين على الزين
‏ وليا تمكن منك قام يتغلى

‏ان كان يطلب منك ماحرمه الدين
‏ واليا رفضتي راح منك وتخلى

.....

المجلس اللي مايقدرك راعيه
خلك عزيز النفس مالك وماله

لاصار ماحطت لجنبك مراكيه
تلقى من خيار المجالس بداله

مغنيك ربك عن قهوته وشاهيه
دام المعزب مايسرك قباله

فهد هجاج

‏أغليك جدًا عسى الله لا يبيّن غلاك
‏يا واحدٍ لو طلب عمري ما يغلى عليه

....

‏انا لك أصدق من الضحكة على وجهك
‏وأحنّ من خاطرك واقرب من ظلالك

.....

الله خلق حبك من الحب فيني
‏وعزفت نغمة حب على كل معزوف

‏وسكنت في روحي وقلبي وعيني
‏واغلى المشاعر جتك شعر وحروف

....

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....