اخترنا لكم

حي الله اللي غلاها بوسط شرياني
يجري مع الدم والقلب وشرايينه

تبقى على البال مامعها بشر ثاني
والحب الاول لها من ماضي سنينه

....

‏أخذت فنجال الزمان وشربته
‏قال أنت قد اللي تسويه قلت أيه

‏ما جيت أدوّر غير حقي وجبته
‏تبيني أخلّيه والله ما أخلّيه
‏
عبدالرحمن بن جزا

قهو المشاعر لاجاتك وانت راعي مكان
ورحب بها كل ما مرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

....

أنتي عن الذل والحقران مرفوعه
والناس في خدمتك ورضاك طماعه

سمي وقولي ترى كلمتك مسموعه
واليا سكتي نقول السمع والطاعه

اهم شي التعب والضيق واللوعه
لا يرتدي وجهك الوضاح وشعاعه

أنتي بوجه العتيبي وايسر ضلوعه
سمي على قلبه ونامي على ذراعه

مطلق العتيبي

لاعسعس الليل زادت وحشتي وينك
الصوت ما يوصلك والشوق ما جابك

شكراً بحجم الغـلا اللي بيني وبينك
والّا بحجم الجروح اللي من أسبابك

....

‏وأنا بصدق كلامك واعتنز بالله
‏بقول للناس مايعنيك يعنيني

....

‏الكبد مجروحه والأحساس ملهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغي شي ماهوب حاصل

....

يارب يسرها على كل ضايق
ورفع ستار الهم عن كل محزون

لو كان في درب السعادة عوائق
تهون مع رحمتك يا خالق الكون

آمين

يآ ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

....

لاتحاول تكسب إعجابي بحلو اسلوبك
المجامل شي وارد والصراحه علّه

ولا تطالع في عيوب الغير شوف عيوبك
الستر من فضل ربي والقبول من الله

....