فوق هام السحب ( الشعر الشعبي) على متن القوافي

يا جاهل الدنيا تماثيل وضحوك
تخلص معك فترة وفترة تخونك

ناسٍ ترقدهم ليالي على الشوك
وناسٍ على اللذات ما يذكرونك

وناسٍ عليهم باب الارزاق مصكوك
وناسٍ وراك وناسٍ لا شك دونك

هذي حياة الناس انسات وصكوك
وتشرح لهم لكن ما يفهمونك

اليا كثر مالك تعنوا وزاروك
ويحكون عنك بخير ويعظمونك

بسم الفخر والجود سموك
وتقطر عرق من كثر ما يمدحونك

شالوك بالمدح المزيف وحطوك
مدح الثناء والقصد يستعطفونك

وإن قل مالك لا تعنوا ولا جوك
وإن جيتهم ما كنهم يعرفونك


الذويبي

الله اكبر يا زماني انا وش بيدي
كلما عدلت واحد يميل الثاني

قيدوني يا الله انك تحل القيدي
من يحل القيد ويرضي الزعلاني

قلت بالله قلنا بالسعر ياسيدي
كم تبيع الورد يا صاحب البستاني


علي القحطاني

ودي افضفـض لكن البوح قتّال
لو كان بعض الـبوح للنفس راحـه

في داخلي صبحِ فقد شمس الآمال
وفي ظـاهري ليلٍ تبسّم صباحه

ليت الشعور اللي ملى الجوف ينقال
لكسر قيود البوح واطلق سراحه

....

يا عشير تردى مع عشيره
كان يطلب مصالح وانتهت

عشرة المصلحة دايم قصيرة
وان مشت يوم ثاني وقفت

قلت يا الله عسى في الامر خيره
حارت الرجل والنفس أكتفت

شوفي الدرب يا العين البصيرة
قالت ان الدروب اتبذلت

وان بذلت ذا المسلم بغيره
لوتمد العلاقة ما صفت

والمواثيق عندالله كبيرة
لكن ان القلوب تغيرت

ودي انك تسافر كل ديره
تدري ان البشر ما توالفت

واحسن الناس من ريح ضميره
لويشوف العجايب ما ألتفت

كل ذا الناس في هم وحيره
تاهت أفكارهم وتخالفت


علي القحطاني

أبدأ باسم الله واكتب بالقلم
ومن بدا بالله يامن لا يخاف

ربك اللي يخلق الشي من عدم
عالم سر الخفا اللي ما ينشاف

بعد ذا يا من على خده رقم
ابتدينا الصلح وانهينا الخلاف

خلنا ناخد من الدنيا حكم
والعمر مره ونصف العمر طاف

يا خفيف الدم يا ترى القدم
خلنا من هم ذا الدنيا اخفاف

وش يفيد اللي قضى عمره بهم
والنتيجة واحدة باخر المطاف


علي القحطاني

‏وعند الكرامه ابيعك وأنت خابرني
‏ماعمر احد راح من كيفه وناديته

....

‏ياصاحبي وإن زاد ظلم المخاليق
‏فلا تحسب إن الله عن الخلق سالي

‏والطيب يمحى العيب عرف ومواثيق
‏والا الخطا ماله على الطيب والي

....

‏على عيدك مبارك تاقف آمال إنتظاري سيد
‏هي اللي كانها ما جات منّك مالها شاغر

....

شيطان حبك في البدايه غـواني
‏قلبي ضعيف ايمان صدّق وعوده
‏
‏يـاذنب آدم كيف عـاده زمـاني
‏حتى اقترفت الحب واعلن جحوده

....

ما گل صدفه للبشر تجمع احبآب
ولا گل فرصه في حياتـگ سعيـده

يمگن يگون احيان اغلاق الگتـاب
أفضل ترى من فتح صفحه جديده

....