اخترنا لكم

أنهزمت من الفراق وحزن قلبي راقي
‏والشجاع ان حب توخذ بندقه من كفه

‏ناصر الحمادين

‏ياصاحب الابداع والطرق الحزين
‏حبي يمر البال والا مايمر

‏البعد مهما طال تاليه الحنين
‏والشوق لامن فاض تالي ينهمر

‏لو شح بك وقتك وبيحك الكنين
‏ارجع وتلقاني بدل عمرك عمر

‏هذا الهوى مايجرح الا الطيبين
‏اللي مشاعرهم على صالي الجمر

.....

‏مشاعرنا مثل طفلٍ يدرج خطوته ويطيح
‏تعثر والحروف بكل مره تسند ايديها

‏مشاعرنا على كف القدر والشوق والتبريح
‏تكف دموعها لين الجفا سوّد لياليها

‏مابين الشوق واللهفه نثرت احساسي مع الريح
‏ولا عاد بيديني شي مير الله يسويها

.....

لا تحسب إن الليالي كل أبوها ربيع
‏لابد تلوفك هبوب القيض وسمومها

.....

‏جل شان اللي خضوعي له وذلي وأنكساري
‏كل ما يخضع له المؤمن رفع قدره وشانه

سبحانه

‏جَوّد يدينك في يدين اللي تحب
‏من قبل تاتي له يدين وتجوّده

.....

أعوذ بالله من يومٍ بلا قهوة
‏اللي بلا ريحها ما ينعدل راسي

حمدان الديحاني

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....

احسب ايام العمر راحت عليه
‏مادريت ان أجمله في ما تبقى

‏اشكر أيامي على كبر الهديه
‏اثرها لا من بغت تعرف تنقى

.....

‏تكاثرت عذرك لين صار الفراق رضاي
‏وأنا انسان ما يكذب لسانه على قلبه

.....