اخترنا لكم

تهقويت والهقوه رست بي على لاباس
‏وتجرّعت صدماتٍ من وجيه مألوفه

‏أجامل وأنا اللّي كل ماهبّ له نسناس
‏تلاطم ضلوعه مثل لطمة هَل الكوفه

.....

ماودك تسولف اذا صرت زعلان
لجـل تـركـز زيــن بالـي تـقـوله

يمكن تجيب العيد وتصير ندمان
وتصير ضحكه عند ناس مغلـوله

.....

تعــال يا ضيف المحبة أقهــويــك
في جو خالي من عيون الملاقيف

دلة غلآ تروي شعـورك وتـرويـك
بهارها راقي على الــذوق والكيــف

.....

سهيت لحظه وقمت ابحث بجوالي
اقرا الرسايل وامسح ما بقي منها

لقيت ذكرى رسالة والرقم غالي
مكتوب فيها إذا أنا مت فامسحها

فكرت فيك ولقيتك عايش وسالي
وما ظن يا صاحبي في يوم تذكرها

الموت عندي يساوي غيابك الحالي
والحين بستئذنك يازين وامسحها

.....

الصمت يكفي ويشفي صدر راعيه
لا صار كل الحكي ماله معاني

والقلب ما عاد تعنيه المشاريه
والعين ما عاد تغريها الأماني

ياليت حزني مجرد دمع وأبكيه
ماهوب عايش معي بين المحاني

ماهوب يظهر علي وأحاول اخفيه
وتصير نظرات حزني هي لساني

مدري ذكرني زمان كنت ناسيه
مدري ذكرت الزمان اللي نساني

.....

وافتح علينا فتوحًا لا حدودَ لها
يا واسعَ الفضلِ والإنعامِ والكرَمِ

آمين

صحيح ان الشوق ماله مواعيد
في أي وقتٍ دوم مفتوح بابه

للمترف اللي شوفته عندي العيد
مسطر ن بين الورق والكتابة

.....

سود الليالي هيّنه لاتحاتين
‏إذا على سود الليالي عوافي

‏يخوّفك درب الشقى لاتخافين
‏لاصرت أنا ماني بموجود خافي

‏على هواك وسوي اللي تسوين
‏أنا بوجه الضيم وأنتي خلافي

.....

ياشين العشم في حاجةٍ مستحيل تصير
‏وياطول الرجاوي بين بكره وبين اليوم

.....

يدور الزمان وينكشف معدن الاصحاب
‏فلا تنصدم بالناس يا طيّب المعدن

.....