اخترنا لكم شعر نبطي وفصيح

تعبت اراقبك واطرد سرابك تايه وضميان
اسوق الرجل واقدار الزمن صوبك توديني

.....

ردّيت بابي يوم طاح اللي هقيته ما يطيح
‏ولا عاد باقي غير دمعٍ لو أردّه طحت أنا

.....

‏أنا في غنى عن صاحبٍ لي خشيرٍ فيه
‏إليا صار ماني بالمبدّا على غيري

.....

‏على الفضيلة عـــوّد النفس تعتاد
‏وعن ما يريب القلب تبقى سليمة

.....

بعض البشر يوم إنها جاتك إظروف
‏مـا يـلتفت يـمّك ويـنسى الـصداقه

‏أمــــا رفــيـقٍ بـالـمـهمات مــعـروف
وإلا بـــلاهـــا خـــوّتـــه والــعــلاقـه

.....

إنْ لم تكن صدرًا بأول جملة
أو فاعلًا للمجدِ في إسهاب

إياك أن تبقى ضميرًا غائبًا
أو لا محل له من الإعراب

.....

يالله يا ربــــــي عليك التـواكيـــــــل
فــي شدة الدنيا وفــــــــي مرتخاها

ويالله يا ربــــــي عليك التساهيــــل
لا عــــــوكست بقعاء ودارت رحـاها

.....

يســرنـــــي مايسعد الناس وابديه
طبيعتـــــي ماهــــــو تصنع وحيله

ويغثني مايزعـــــج الناس واخفيه
لو طحت من ضربات غيري قتيله

.....

‏سجيت لك من بحة الصوت مـوال
وكم قلت لك بأن المشاعر خجوله

مـا كـل حاجـة ياهوى القلب تنقال
بعض الحكـي فالصـدر محـد يقوله

.....

غديت مثل الغريب اللي جفاه المكان
في ديرةٍ ساقه الحظ الردي صوبها

.....