فوق هام السحب ( الشعر الشعبي) على متن القوافي

‏منطق لسانك يكشف السر للناس
‏عن تربيتك وساس جدك ومعدنك

‏لو كـان للطيب علامــه على الراس
‏مـا قـيـل مـن لا يعرفك مـا يثمنك

.....

‏يا خليل القلب ماعاد يصلح له خليل
‏ غيرك الله يلعن اللي ليا عاهد يخون

‏ لاتجاملني ترا قلبي أحساسه ثقيل
‏ لو تقول أهلاً وسهلاً يحس انه يمون

‏أنت لوتدري بحبك طلبت المستحيل
‏مستحيل عندك وعندي أهون ما يكونّ

.....

إليكم مع التحيه...

أهلاً بكلِّ مُتابعٍ ومتابِعَةْ
بقناتِنَا الشعريةِ المُتَوَاضِعَةْ

موسوعةٌ جمعت قصائد جمة
فكأنها بحرٌ عميقٌ في السِّعَةْ

أبياتها كلآليءٍ قد أُفْرِغَتْ
فيها كأمثالِ النجوم اللامِعَةْ

طوبى لمن قد بات فيها متابعاً
يقتصُّ من هذي الثمارِ اليانِعَةْ

العز له ساسه وراعي الطيب معروف
والـصبر فـي بـعض الـمواقف رجـوله

الـلي يـجامل تـالي الـوقت مـكشوف
والـمـجـد مــاهـو أي واحـــد يـطـوله

.....

‏حظ من حطك بجوفه وسكرّ غطاه
‏حتى صوتك ما وده بالعرب تسمعه
‏
‏من يحبك وربي من غرامك عطاه
‏وش يبي من حياته غير شوفك معه

.....

كان عندك عيوب وكان عندي عيوب
عيبك انك سكتّ وعيبي اني مشيت

.....

‏حُبك عطاني درس ماني بناسيه
درس هدم أحلام عمري بـ ثواني

مهمّا تحب وتخلص لشخص تغليه
تلقى النهاية يحب له شخص ثاني

.....