اخترنا لكم

العين يـا عين الـغلا عـافت النوم
والبعد يا بعد العـنا هـو سـببـها

الشوق يذبحني ولا عـاد لـي لوم
ليتك معي يا نار شوقي وحطبها

.....

أحلى القلوب اللي بها خشية الله
وأحلى الكلام اللي نقوله بذكره

وأجمل شعور اللي مع الله كله
وأجمل محبة حُب ربي وشكره

.....

كل حبٍ غير حبك ينكشف لي زيفه
‏وكل طيفٍ غير طيفك مايهزّ إحساسي

‏وكل وجهٍ غير وجهك فالوجيه اعيفه
‏وكل صوتٍ غير صوتك ما يقنّد راسي

.....

أول دروب الخطا بتعلمك بالصحيح
‏وآخر جروح الوفا بتردك من الضياع

‏من يوم عقلي غلب قلبي وانا مستريح
‏طافت همومي على صدري طواف الوداع

.....

تضيق بوجهي الدنيا والاقي في رحابك باب
‏واحسك مثل شيٍ كان ينقصني وكملته

‏اجي صوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حاِلك وانا في غيبتك مرتاب
‏ولا غيرك هوى قلبي ومن قلبي أنا نلته

.....

مامرك الشوق يسأل عن شعور الغياب
‏ماقلت خذني لها وان عيّت لطيفها

‏حتى لو الوصل صاير مثل طرد السراب
‏الارض ما ملّت شتاها ولا صيفها

‏عطني يدك واترك الاوهام والارتياب
‏ماقدر اخليك لافكارك وتحريفها

.....

ولا تنشد عن هزائم وقفتي وإلَّا انتصاري
‏الجروح اللي على خبرك على خبرك قديمة

‏هات لي عمر انتظاراتي وشعري واعتباري
‏والحقيقة لو عواقبها على روحي وخيمة

‏كل درب ما يجيب عيونك النجل اضطراري
‏والدروب اللي تجيبك يا آخر أحبابي كريمة

.....

اشوف الليل باطرافه على ضو القمر يلتو
‏على ما تشتهي يا ليل حقق كل غاياتك

‏علامك يا سواد الليل من نور القمر تشكو
‏صفاه إلهام للي يشتكي من جور ظلماتك

‏الا يا قلبي الطيب من الطيبه خطاك السو
‏بياضك في سواد الناس هو سبت معاناتك

.....

‏ في غيابك ماني إلّا غصن في رجوى سحابه
‏ما فقدت إلّا السحاب وما أنتظرت إلاّ هطوله

‏خاطري مملي كلام وغيبتك فيها غرابه
‏أزهر احساسي معك والورد يخشى من ذبوله

‏كم سؤالٍ ودّي اقوله وأنا عارف جوابه
‏وكم جواب ٍ ودي اعرفه ولا ودّي تقوله

.....

دامني مؤمن بربي و قانع في عطاه
‏كل هم يضيّق الصدر بعطيه ظهري

.....