فوق هام السحب ( الشعر الشعبي) على متن القوافي

أضحك وخلّك لوجه الله متوّجه
‏والمجتمع لا يضرك كثرة أزعاجه

‏أطلق صراح الزعل والضيق والصجه
‏وأرفع كفوف الرجا للخالق وناجّه

‏خذ لك عن الحزن في جو الخلا سجّه
‏حاجتك لله ومالك في البشر حاجه

.....

ونقولك علي ما غبت مازال لك غلا
ومازلت عندي يا الغالي غالي

ونقولك بلاك تقول عايش في خلا
وماعد اشقي بي في غيابك والي

ونقولك انك خاطيك ما والي ملا
عيوني ولا حتى يجي في بالي

شعر ليبي

تعـال دام الجـو بـارد وجذاب
واقلط على صدرالمولع وضمه

إن كان تبغيهـا سعادة وترحاب
إنثـر غـلاي وخل شوقي يلمه

.....

‏كل ما طاوعت قلبي يوديني اليك
‏وكل فكره في مواصل غرامك عفتها

‏والله ان بعض الاغاني لها طاري عليك
‏كني اشوفك قبالي اليا شغلتها

.....

ضحيت من شانه ربوع وجماعه
وكسرت من شانه قوانين وأحكام

.....

سر القلوب البيض والمنطق الزين
على سلوم اجدادنا الاولينا

جور الزمن ننطحه بالصبر والدين
من شافنا نضحك حسبا سلينا

الفعل ويا الجزل ورث المسمين
يالله في راع الحسسد لا تبتلينا

بعض العرب لو يوم نحرر فلسطين
يمكن مع اليهود تزعل علينا

ربي وأنا المطمئن لرضاه واهابه
‏جعله يسامح خطاي وما يواخذني

‏الضيقة اللي توّجهني على بابه
‏أطيب من الفرحة اللي منه تاخذني

.....

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

‏لو ان عند الناس بعض القناعه
‏ويمان بالمكتوب ماصارو ثنين

‏احدٍ من همومه يبي اليوم ساعه
‏واحدٍ من الفرحه يبي اليوم يومين

.....

‏يالله على بابك يافتاح الابواب
‏مافيه غيرك يقصد العبد بابه
‏
‏ف ان راح رزقٍ حاسبينٍ له حساب
‏يالله برزقٍ ما حسبنا حسابه

.....