اخترنا لكم

المجلس اللي مايقدرك راعيه
لو كان من صف القرابه تعداه

اقصر خطاك ولاتلد النظر فيه
ماحاز كسب الطيب ساسه ومبناه

لابد دورات الليالي تربيه
والا صواديف الليالي تعشاه

صهيب السلمي

أحب الرفيق اللي تجي رفقته بإنصاح
اللي عن غلاي وزود قدري يصارحني

نصوح صريح محزم ينذخر وسلاح
الى طبت يفرح لي والا اخطيت ينصحني

.....

غلاك عنـدي فارق عن غلا الناس
لو هم خذو بعضه لك القلب كله

.....

سلامي على اللي مايجي منه التقصير
ليا شافـنـي ضايـق تـبـسّموطـمـنّي

أوده ولـه بـالـقلب مكـانه ولـه تـقـدير
ودوم أحسب أحسابه ولا خاب به ظني

.....

من كثر ما الله عطاها عند خلقه قبول
ماعاد خلت لباقي الناس ذرة ثقل

العمر ناهي وراهي والمحيا خجول
وزودٍ على زينها ما الله حرمها العقل

.....

‏لاتربــط احلامـــك مع ريـــح الاوهام
خليك في الواقــع وعيـــش الحقيقه

سِـر بالطمـــوح اللي يوديك الاحلام
وخلي امــل خطـــوات دربك وثيقه

ياصاحبي وإن ضاق بك عِســر الايام
حــاول تعديهـــــا بأيـــــت طريقه

وأمشي الى حلمك بعزمك والإقدام
من شان تجعل وهم حلمك حقيقه

.....

يداعــب الشـــــوق قلبي كل ماتطري
او مــر طيفـــك على بالــي ووجداني

ويِحــرق الشـوق قلبي وانت ماتدري
وتلهــــب النار فـــي نبضي وشرياني

.....

‏الحديث احيان لادار مايقضي لزوم
لا تخلي ضعف الايمان صوبه يدفعك

خير من طرد السوالف وجماع العلوم
كلمتن عند الله وعند خلقه ترفعك

.....

إن مزحنا لجل تخفيف الطعون
إبتلشنا بالصدور الضايقه

وإن سكتنا ما مزحنا يزعلون
ما عرفنا كيف نرضي الذايقه

.....

نعيش الليالي بالأمل والحياه أسباب
ورجواي في اللي بيده الفضل والمنّه

ومن شاف نفسه وابتعد عننا أو غاب
مــصـيـره يــعـوّد والـلـيـالي يــردّنـه

.....