اخترنا لكم

‏لا صار طبعي يا أبيض الوجه دمّاح
لا تحسبني ميت القلب والروح

بعض الخطايا موجعة كنها رماح
وبعض الخطايا تاخذ شوي وتروح

.....

تعلّق خاطري في اللي جمع دلّ وقبول زين
‏يازين الحال بحضوره وياشين الحال من دونه

.....

معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏عيونك غير يا ذات الدلال المترف من الخود
‏ من عيونك غديت أوّل سجين يحَب سجّانه

‏تباهي في ذراي ولك يلين الخاطر الجلمود
‏ جعل قلب يوريك القسى ما يقبل إحسانه

.....

بعترف لك بالحقيقه كامله وانت وضميرك
‏بعد ماخضت الحياة بسكة الصبر الطويله

‏يوم مرتني حياتي كلها ما شفت غيرك
‏انت صورة كل مشهد وانت قصة كل ليله

.....

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير و ذكرياتي في مدى الاعوام
‏يا ضحكة وجهي اللي تذبح اشواقي و تحييها

.....

‏لو خاب ظني بالزمن والمخاليق
ما خاب ظني في جزيل العطيه

نصبر على الدنيا ونصبر على الضيق
وعزومنا من فضل ربي قويه

.....

‏يا ما وراء بعض ابتسامات الوجيه
‏خواطرٍ جار الزمان وكسرها

.....

دنيا تقلبنا على شوك الاقدار
ولولا ضماد الصبر كان انتهينا

.....

عزيز النفس ما يقبل محبة بابها مسدود
‏ولا يمشي على دربٍ يذل الراس و يضره

.....

طواري الليل تاخذني على الذكرى
‏ويطول ليلي وانا ما غمضت عيني

‏ياطاري الليل لا ممسى ولا مسرى
‏دايم على ضيقة الخاطر توديني

.....