فوق هام السحب ( الشعر الشعبي) على متن القوافي

ودي أسمع صوتك اللي لاسمعته
من عميق الحزن للفرحة خذاني

ودي أسمع صوتك اللي من فقدته
صرت فاقد كل حاجة في زماني

.....

‏من سنين وحبيبي كل يوم في دبور
اعقد امال عمري ويعقد حاجبه

عشت الايام في ضيقه وعشت بسرور
مثل من عاش في وضعً مهو عاجبه

ما ترديت معه ولا لحقني قصور
قبل يقفي خذا حقه واخذ واجبه

.....

رسمت حلمي في الخـيال الـواسـع
ومــالـي الـقـدره عـــلا تـحـقـيـقه

ضاعـت سنيني والسفر متـقـاطـع
والـوقـت حملني وجـع مـاطـيـقه

مــا بـيـن آهـات الـزمــان الخـادع
ذا يبـتـسـم والـسـم الارقم ريـقه

لازلـت اواصـل حلمي المتـواضـع
وأرسـم طريـقه وأبتـدي توسـيقه

عسـى مــع الايـام يـصـبـح واقـع
مــا دام ربــي مـا قـطـع تـوفـيـقه

.....