اخترنا لكم

‏ذقنا ملذات الهوى حب وفراق
‏وشفنا من صدوف الزمن واكتفينا

‏وعشنا ثلاث سنين بالضبط عشاق
‏احلى ثلاث سنين مرت علينا

.....

طلَّ الصباحُ ولم أظفر بطلَّتِها
‏فهلْ يكونُ صباح دون إشراقِ

.....

‏غلاك ما يحتاج توثيق وحروف
والله خلق حبك من الحب فيني

وعزفت نغمة عشق عن كل معزوف
وسكنت في قلبي وروحي وعيني

.....

‏يا ليل عطني مابقا منك وأعطيك
خذ الهموم اللي على القلب قامت

يا ليل ياليل السهر وين ساريك
أنا معك سهران والناس نامت

.....

قال المثل مـن جد فالدنيا وجــد
وغارس الاشـواك ما يحصد ورود

مش عيب لا كافح وناضل واجتهد
العيب فـي انسان مضاها رقود

والعــــز مـا ياتــي لمن قالو رقد
الا لمـن يبـذل في الدنيا الجهـود

.....

يستاهل الشعب اي والله يستاهل
يتحمل الجور لا ما يكتسر ظهره

في سكة الجهل ماقد حط له كاهل
لا بارك الله في سره وفي جهره

مادام والعقل طايش والهوا جاهل
إن مات بالحرب وإلا مات من قهره

.....

الحب ماهو بس كلمة وتنقال
ولاهو سوالف بين هذا وذية

الحب شعور بالقلب يغني عن المال
وله بالقلوب احساس ماهو شوية

الروح لاحبت تنسى للاموال
وتعيش بين الناس بنفسِ غنية

لكن يموت الحب لاصار به اهمال
ويضعف شعور القلب شوية شوية

الحب قد يثنيك عن بعض الاعمال
لكن تعيش العمر ونفسك رضية

باكتب له الابيات شيلة وموال
والحان الحنها بنفسِ هنية

‏اللي خلق في مشاعرنا من البعد خوف
خلق لنا نعمة النسيّان في غيرها

تموت الأحلام دايم في يدين الظروف
وتعيش الآمال وتواصل مشاويرها

في ليلةٍ تاهت الخطوه وطال الوقوف
هي نفسها الليله اللي شرها خيرها

جيت ومعي قلبٍ يحب ويحن ويروف
ورحت ومعي قلبٍ أقسى من معّاذيرها

.....

ويش أكلفك يا زماني قمت تتبدل
وأيامك السود لأصحاب الوفا خانت

تعبت أنا فيك ما لي قدره أتحمل
كنت أحسبك زين لكن نيتك بانت

شفت النشامى والأجواد فيك تتبهذل
وتعذّبَت فيك أعز الناس واهتانت

وأهل الكرم والعطى تطلب وتتسوّل
وكم وكم ناس منك يازمن عانت

ذي روسهم فوق وطو روسهم منزّل
وأهل الوفا والمبادئ شفتها أتوانت

يا كم تمنّيت ترجع مثل زي أول
والناس الأجواد ترجع مثل ما كانت

بس للأسف بعدما شفت الخبر طوّل
وأذلّ وأنذل بشر لأهل الوفا دانت

لا عاد يوجد أمل عندي ولا به حل
حانت تقوم القيامة يا زمن حانت

ابو عمران

يا لابـس البــرقـع تسلطـــت مــن ويــن
عــــلى فــوادٍ مـــــا يَعَــــرْف الرقـــابــه

ورمـيت قلعــــاته مـن يـســـار ويميــن
واليــوم ينــعق في المحـــاني غـــــرابه

خـافِ الــذي ســواك يا بنــت من طيــن
حنـا ليـا شفـِــــــنا المحـاجر غـــــــلابـــه

يا بــــدر حــــاذر مـن عيــــون المزاييـن
تـــــرَى علاجــــــك من منـابع رضـــابـــه

.....