فوق هام السحب ( الشعر الشعبي) على متن القوافي

‏خلك معي وأبشر بقلب يداريك
يصون حبك في زمان المجامل

يغليك يعني في عيونه يخليك
واعرف ترى ما بالمخاليق كامل

.....

يوم إنك رحت رحت برغبتك مارحت بالتلميح
وراك الحين يوم إنك تبي ترجع تلمّح لي

.....

‏حتى ولو دونك مسافه لا تشك إنك بعيد
‏مافيه روحٍ جسمها ماهو يباري ظلها

.....

‏ودي ابـوح بخافــي القلــب وابديه
‏واترجــم احساسي بحـرف القوافي

‏من اجل تعرف داخل القلب مافيه
‏وتعــرف اللي بيـــن الاعماق خافي

‏ايه اعشقك والعشق طالت مبانيه
‏والحب لك بيــن الضلوع الرهافي

‏من خافقي حبيــت تعرف خوافيه
‏هــذه احاسيسي وهــــذا اعترافي

.....

‏اللي يسلّم على مسلم عليه السـلام
‏ما أعـدّه الا عزيز و واحدٍ من هلي

الزبده النوم ما جاني وعـيّيت انـام
‏اللي معه سالفه حلوه يسولف عليّ

.....

‏نفرح لو ان الضيق منا وفينا
‏بعيوننا تصغر كبار الاسامي

‏ولو ترفع الدنيا قضايا علينا
‏نوكل الله ما نوكـــل محامي

.....

‏شـمس العصر ميلت واليل ياقربه
‏وانـا من الليـل يـا وجـدي وياضيقي

‏كنه على حدب جـوفي ينكسرحربه
‏والا يـنـاثر فــؤادي من مـعـالـيقي

.....

‏بيـن الـصبر والصمت والخاطر الـشين
‏مـاقـلـت يـالـيـل العـنـا وش جــرالي

‏مـن كـثر صـدمـاتي بـناسٍ عــزيـزيـن
‏قـمـت اتـحـرى صـدمـتي مـن ضـلالي

.....

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي

.....

‏المعذره شوقي في القلب قد مات
وداخل ضلوعـي كل شوقـي قبرته

ماينفعـك ترجع ومافات قد فات
وشـــوق قلبي فـي بـرودك قتلته

خليك لاهي في السهر والملذات
وامـرح بجــوك دام قلبي كسرته

واناعسا تجبر جروحي في الذات
ويعيـــن ربـــي قلبي اللي قهرته

.....