اخترنا لكم شعر نبطي وفصيح

يالله برزق ما صعق دونه الباب
‏ولا وقف قطّاع الأرزاق دونه

.....

زادك الله فوق خلق الله قبول
‏ من يقول ان البشر متساويه

.....

مرّت سنين العمر في لمحة بصر
‏ ولا دريت إلين قمت أعدّها

‏مدري كبرت بعمري او عمري قصر
‏ أثر الليالي المسرعة من جدّها

.....

يجوز إن اللِيالي ما تخلينا نعُود أحباب
‏ ولكن الأكيد إن الليالي ما تنسّينا

.....

‏بيمدحون الناس وإلا يسبّون
‏ماغيرك اطلبه الرضا والمعونه

‏أجيهم بوجهٍ مقدّر ومصيون
‏لكنّ أجيك بوجه ما يعرفونه

‏ياليتني لاصغر عطا ياك ممنون
‏إنّي على رغم الجهل والرعونه

‏أظهرت منّي للبشر ما يحبّون
‏وسترت عنهم كلّ ما يكرهونه

.....

على الراحلين اللي بقى ذكرهم ماراح
سلام الفؤاد اللي يسلم هو صآدق

.....

‏من يجي قبره يسلم عليه ازكى السلام
‏جعل قبره روضة في الجنان معلقه

‏علموه ان صرح عزه بلغ حد الغمام
‏وسمعته بين الجدي والنجوم محلقه

‏وعلموه ان البل بخير واهلها تمام
‏كون روح من وجع غيبته متغلقه

.....

‏لك الله ما يعلّ الكبد ويحن الضلوع العوج
‏سوى ذكرى تراودني ما بين الحلم والواقع

.....

يا كثر ما اخطي ليا من ثارت اعصابي
واثر الخطاء والتسرّع ميزة الجاهل

كم واحدٍ خابره من خيرة اصحابي
ضيّقت صدره وهو ماهوب يستاهل

.....

اتصنع بالسعاده وقول اني مجار
‏والسعاده في الهوى ماعرفت اذوقها

‏واتحلى بالشجاعه واقول الذل عار
‏واطلب الله بالقطاعة تلوح بروقها

‏احسب اني فزت واقول لنا رديت ثار
‏ماحسبت احساب طعناتها وافتوقها

.....