فوق هام السحب ( الشعر الشعبي) على متن القوافي

‏أشتاق لحروفك وحسّك وطاريك
وأشره على نفسي واعدد خطاها

قلبي يصفق لك وعيني تراعيك
وكبدي على شوفك ذبحها ضماها

.....

‏لا ني بلا ناكر ولاني بجاحد
‏ ذاك الغياب اللي جعل وجهك يتوه
‏
‏الحبّ دوم ايجيك في وجه واحد
‏ بس الغياب ايجيك في عدّة وجوه
‏
.....

القلب عالقلب شاهد والمحبه دليل
والعشق لوحال عاشق ماعرف مستواه

ياغايبً في غيابه كل شي مستحيل
الحب جنه ونهر الحب عالي وفاه

بسماتك اشعال وغيابك وصدك جميل
ليت الجمالات تهدا من دمي لا دماه

دخيل قلبك وقلبي فيك وحده دخيل
ودخيل روحك من الفرقا وتالي نباه

كثر الصدود اشعلت قلبي وانت الوكيل
وحسبي الله على من راح ناظر وراه

بوصلك اتخيل الأحباب في كل ليل
وفي غيابك اشوف الحب يشكي مناه

روحي بروحك رهينه وانت مالك بديل
والحب ماله بدل والقلب قلبي فداه

مالي من الأرض في غيبتك لوهو قليل
وما ودي الكون ودي قربك اللي اباه

.....

‏يامدعي بالعشق واالحب والشوق
‏اعطني دليلك بالغلا والموده

‏الحب وصل وشووق واخلاص وحقوق
‏ماهوب بشوق ولعب مده ومده

.....

يا هلا بالنور واوراق الزهور
يا هلا بالغارقة وسط البحور

كل ما شفتك تذكّرت السرور
وانفجر في مهجتي كتلة شعور

.....

‏فمان الله لا ترسل ولا تسأل
‏وانا بكمل الباقي مع طيوفك

‏فشلت اني اكون بدنيتك اجمل
‏وحالت بيننا الاقدار وظروفك

.....

‏يعدل مزاجي كل ما خربوه الناس
‏انا وين ابلقى واحدٍ كـنه الشاهي

.....

‏صباح المحبه والغلا والقبال الزين
‏على اللي ليا غردت دايم يتابعني

‏يأكد متابعته برتويت رتويتين
‏يثبت غلاه وله بالاحساس يدفعني

.....

‏قلبي مثل جيري وطيفك مثل توم
‏ وياكثر ما ينحاش من توم جيري

‏لابوك ياطيفٍ يجي حزّة النوم
‏ يطري علي كل ماغفيت بسريري

.....

يسعد مساك وصباحك كل ما اصبحتي
‏ويسعد عيون ٍ تحـرى شوفة اعيونك

‏وينك فديتك على الشاشات ما لحتي
‏من زعلك جعلهم في الناس يفدونك

.....