اخترنا لكم شعر نبطي وفصيح

الفَقرُ يُنئِي وَالثَراءُ يُدني
وَالحِرصُ يُشقي وَالقُنوعُ يُغني

إِن كُنتُ غَيرَ قارِحٍ فَإِنّي
أَبُذُّ جَريَ القارِحِ المُسِنِّ

.....

‏لا صرت ما تسأل عن الحي يا حي
‏لا تسكب الدمعه بساعة وفاته

‏يغنيه ربه في مماته عن الحي
‏اللي يجمّع زلته في حياته

.....

‏بعض الرجال ان راح ماهو فقيده
‏تبكي على حاله دقايق وتنساه

‏وبعض الرجال ان راح منهو يعيده
‏ماجابت بطون النساوين شرواه

.....

‏راحت تسوي تان في قمة القيض
‏وجتني وشفت خدودها البيض جمرا

‏ماهو مكفيها التميز عن البيض
‏راحت تنافس بالحلا كل سمرا

.....

‏في زحمة الأيام غابوا مجاميع
‏ليه انت بس اللي احسه فقيده

‏أشتاقلك والشوق وحشه وتلويع
‏يا من تحرر سجن قلبي بقيده

‏لا راحة مواصل ولا جرح توديع
‏لا انت قريب ولا دروبك بعيده

‏ادلي العالم وإذا جيتك اضيع
‏يافرصة بالعمر ماهي سعيده

.....

‏يارب حاوطني بنورك وين ما رحت ورجعت
‏واجعل قدومي مرحبا وقفايتي برد وسلام

‏اعصمني من الزلّة اللي من معاتبها جزعت
‏واوهبني أجمل حظ وأطيب منزلة وأعلى مقام

.....

نبتسم في وجه الايام لو مابه حصيل
‏خاطر الطيّب ما كل الظروف تكدّره

.....

القصيد أحيان نوعٍ من الطب البديل
‏ يستريح ويستلذ الحشى برعـايته

.....

‏يطوي الماضي على سكة الدرب الأليم
‏لكن الذكـرى تعيده لنفس المرحله
‏
‏والمكابر بعض الاحيـان نارٍ من جحيم
‏والكرامه فالمحبه هي اصعب مشكله

.....

‏من ذاق طعم الفقد يقضي حياته
‏مشتاق للميّت وخايف على الحي

.....