اخترنا لكم شعر نبطي وفصيح

‏انا يوم جرّبت الليالي وجيت ورحت
‏عذرت القلوب اللي من الوقت مشتكيه

‏ياكم مرة ٍ شرّفت باطول طويل وبحت
‏وجرّيتها ونه ودقّيتها بكيه

‏وكم واحدٍ كنت احسبه فوق واثره تحت
‏خدعني بلمعة طبعه وبهرجة حكيه

‏وهو واحدٍ لو تعتنز فوق متنه طحت
‏مثل من هوى واخطت يده صيدة التكيه

.....

ياليل ماني وحيد إن غابو أحبابي
‏معي قصايد شجن وأحلام ورديه
‏
‏ياليل كان الحضور يمون بغيابي
‏من يحضن السفن لا شحّت موانيه

.....

ضاق صدري يوم شفت اقل مني في مكاني
‏يا وجيه الخير حطوا كل واحد في مكانه

.....

‏يعلّمنا الأمل ناقف لأمانينا كما الثوَّار
‏وأنا لولا الأمل ما كان لي في هالمدى ثورة

‏تركت بداخلي طفلٍ أحب إحساسه المكَّار
‏مثل ما أحبّ يتمرَّد عليّ بصادق شعوره

‏يحبّ المُبهر اللي ما تعمَّد فكرة الإبهار
‏كذا من دون ما يقصد تجيه النَّاس مبهورة

.....

معاد ابي حاجه ولا عاد ابي شي
‏قانع من الدنيـــا ومن اللي فيها

‏لو العـزاء فالميت ينقال فالحي
‏يا كثـــر نــاس ٍ باترحـــم عليها

.....

مهوب ذنبي لا عصتني المقادير
‏واصبح خفوقي للمصايب وطنها
‏
‏أحدٍ فراقه عن عيوني تباشير
‏وأحدٍ فراقه يآخذ الشوف منها

.....

‏الحياة فراقها لا يستشـار ولا يمهّد
‏ممكن الواحد بغمضة عين بيفارق حياته

‏جعلني مثل استقامة إصبعي وأنا أتشهد
‏في دروب العالم الفاني وزحمة مغرياته

.....

‏أنا مـع أصحابي على مايحبّون
‏علاقتي زينه ومرفوع راسي

‏رجلٍ على مبداي والعلم مضمون
‏ثابت مثل صم الجبال الرواسي

‏ولا أتسمّع في وكالة يقولون
‏ولا لبست لباس ماهو مقاسي

‏واللي لهم غايات وأهداف يبطون
‏ماشلت هم أهل القلوب النجاسي

.....

‏العمر رحله واكثر العمر لحظات
‏فيها اماني امنيات ورجاوي

‏لاحد يقول ان المفارق بالاوقات
‏الوقت وقتك والمشاعر هقاوي

.....

‏رجلاً تحطه في يمينك كما السيف
‏ورجلاً مكانه يا فهد في يسارك

‏هذاك مثل السيف وقت المواقيف
‏وهذا تحطه للولائم جوارك

.....