فوق هام السحب ( الشعر الشعبي) على متن القوافي

‏اليا فعلت الطيب في غير راعيه
خلٌه لوجه الله جلا جلاله

لاتلتفت لاهل العتب والمشاريه
الطيب طيبك وانت راع الجماله

.....

‏تجمّل مع العالم و خلك حسين أخلاق
جميلك هو اللي لامن اقفيت يبقى لك

.....

‏من وقاري يحسبون إني بليد وما أتشرّه
وإلا أنا مبدا التغاضي والتعامي من وقاري

.....

‏اللي من الدنيا يبي شيً كثير
إليا مرض ما يبغي إلا العافية

.....

أنا لا لاح لي زولك نبت حول الطريق أشجار
لو إني أمشي بصحراء ربيع الوقت جافيها

.....

عطاك ربي على زين المحيّا قبول
وأعطاك عذب الكلام وفارقه وأندره

.....

‏غلبتني بالكلام وكثر بربرتك
وأنا غلبتك بفعلٍ يوجعك دايم

والناس في ذمتي تدري وخابرتك
‏لكّن تسفهك طِيب ومالها لايم

.....

ما يموت الحب في قلب المحب
ولا يموت الشوق لو طال الغياب

.....

متحسف ومستسلم وبين اياديك
ما للعتب داعٍ وانا جيت مهزوم

.....

وادعيني واتركيني عسى دربك سماح
القناعه كنز عند الضمير المستريح

اتركيني ضايق البال مكسور الجناح
اتثاقل قومتي واتحالا للمطيح

.....