فوق هام السحب ( الشعر الشعبي) على متن القوافي

سبحان من حط الحلا في عيونك
ووزّع على باقيك حلو التواصيف

كيف اقنع ابيات الشعر يوصفونك
وانت ابجمالك فوق كل التعاريف

.....

ودك تحب إنسان مايعرف الكذب
مشاعــره لا قالها ما سـرقها

من قبل لا تسأل فؤاده عن الحب
تشوف أحبك في عيونه نطقها

.....

لغةغلاك اللي طغت داخل البوح
ترسم لعشاق الهوى مفرداتي

دام الشعر يتنفسْك داخل الروُح
ارتاح يانبض الغلا وسط ذاتي

.....

‏اللي يدور ورى المقفي رضا واهتمام
‏ كنه يدور كلام الحق عند الخبل

.....

لو الغلا يـاخذ ويعطي على الكيف
تـرى الغــلا منـي لـك اول هـديه

هرجي معك صـادق ولا اظن به زيف
مقصد شرف مالي مقـاصـد رديـه

.....

إبتسم حتى لو تقسى آلظروف
من سحآب آلكون مآ ضآقتْ سمآ

كم كفيف قلبه آلمبصر يشوف
وكم بصير قلبه آلميتْ عمآ

.....

‏في قلبها معنى العفو والتسامح
‏وفي خدها لمحه من الشمس بدري

‏لها ثمان سنين نفس الملامح
‏وشلون ماتكبر مع الوقت مدري

.....

‏ياعبيد وان غاب الشفق واقبل الليل
‏ ادن البريق وصب لي منه كاسه

‏ما عندنا ما نذخره للمقابيل
‏خذ ثار حزنك من ليال الوناسه

‏من يقبل العيله يبي يقبل الميل
‏ولا تنصدم بالناس كل ً وساسه

‏رجلً يدير الهرج بين الرياجيل
‏ورجل ً يديرون الرياجيل رأسه

.....

من زينها ما هي تشبّه على الريم
الـريـم هـو اللي يشبّه عليها

فيها من الورده و فيها من الغيم
وفيها الحياه وسكرة الموت فيها

.....

شعوري اللي بدونك بين وحشه وخوف
‏شعور شايب توحش في عزا آخر صديق

.....