فوق هام السحب ( الشعر الشعبي) على متن القوافي

‏تباهي وغني واضحكي لا يهمك شي
‏لا مالت ظروفك فيك لك من يعدلها

‏بتلقين لك في جوف قلبي براد وفي
‏هنا منزلك والناس تعرف منازلها

‏ماتقدر تزعلك الليالي وراسي حي
‏لو تزعلك سود الليالي بزعلها

.....

‏من دورة الوقت والايام فيني ذهول
‏محتاج راسي من الثنتين سبعة رتب

‏اتسابق القلب دقاته مسابق خيول
‏شيٍ ما شفته على الواقع ولا فـي الكتب

‏العام تلقى لاجل قل المواصل حلول
‏واليوم مني تشوف ان التهاني عتب

‏عشان وصلك يطوّل جعل عمرك يطول
‏ضحيت باحلام عمري بس ما الله كتب

.....

‏ِ
‏فيني الهدوء اللي سكن فيه الأزعاج
‏نرفز حدود الصـبر واجتاح حـدي

‏سجين فكر وغفوة عيوني ازعاج
‏واللي بودي ماهو بكيـف ودي

‏أنام وابني في سماء أحلامي أبراج
‏واصحى وتصحى عيون الأيام ضدي

‏محتاج اعيش العمر ماني بمحتاج
‏ولو باح سـد الناس ما باح سـدي

......

‏عاد للذكرى القديمه محلٍ فـ الضمير
‏كل ماجا الليل جـات الطـواري ساريه

‏صورتك واسمك وطاريك فـ الثلث الاخير
‏كيف اواجهها بصـدرٍٍ ضلـوعه عـاريه

.....

‏عروق قلبي لك دلالٍ مباهير
‏صفيتها دلّه و دلّه و دلّه

‏مدري صباح الخير وإلا مساء الخير
‏بس الوكاد بوجهك الخير كله

.....

‏أسامر وجهك السحري وادم الماضي المقبور
‏أبيك احساس ياخذني على عمرٍ بدا ثاني

‏يا ويلي ليه ما احبك واحسك شي يبني قصور
‏تسيد ضلع وجداني وانا للحب ضمياني

.....

‏باب السوالف يدخلونه ملايين
‏و باب الفعايل بس لأهل الفعايل

.....