اخترنا لكم شعر نبطي وفصيح

دامك تشوف البُعد حالة جميلة
ما توقف الدنيا على مفارق إنسان

إذا فقدت إنسان يسوى قبيلة
يجي بداله شخص يسوى له أوطان

.....

انهزم قدم الحبيب اللي يكابر في عناده
كيف امثل والشعور الداخلي كله حقيقه

.....

ماكان عابر كان كل الامـاني
كان الوطن لاجيت ادور امانـه

ولو كان فيني حيل واحب ثاني
برجع احبه لو تغير زمانـه

.....

مـن يتقـي لله فـي حسـن ظـنه
جته السـعاد والفـرح له تواجد

ومن يرتجي له امنيه دون منه!
سبيـلها وقت الرجا وانت ساجد

.....

‏دام استعنت بمن خلقك وتوّكلت
فلا تضيق وعند ربك فرجها

.....

العقل نعمه والتعامل ثقافه
‏وكلن على ماقيل عقله يدله

.....

‏لا تساليني عن غلاي ودليله
‏أنا اختلف عن كل عاشق وربك

‏لأني احبك انا اشوفك جميله
‏ ما هو على شانك جميله احبك

.....

‏ارْقا جبال العـز وتشوف لك ناس
‏في سوق صعبات المراجل تجوّل
‏
‏ان كان تبغى مثلهم حـارب الياس
‏وان كان تبغى مـــــوتة النار حوّل

....

‏معذور يا راعي القولون
‏ما تفهم الناس قولونك

‏عن حالتك ليتهم يدرون
‏تزيد لا قالوا شلونك

‏عن مجتمعهم قبل يلفون
‏انحش وقفّل تلفونك

‏عاقل وبعيونهم مجنون
‏وانت اعقل الخلق بعيونك

‏نفسّيتك تشرح المضمون
‏لكن عسى الله في عونك

.....

في مدخل الفندق ، ولحظة من غرور
‏شاعر ، وانيقة .. في حسنها كم ذبل

‏كنّا نتعازم .. من هو اولى بالمرور
‏قالت : تفضّل .. قلت انا انتي قبل
‏
‏من وقتها الدنيا .. ولا عادت تدور
‏منهو يقول الريح ما هزّت جبل
‏

‏كل النساء .. كانوا يمروني عبور
‏الا بعبروك قلبي اللي .. ما قبل

‏كنّا نتبادل بالنظر .. اجمل شعور
‏لو ما تبادلنا الرسايل ، والقُبل

‏لا نادلت النادل .. يلبون الحضور
‏كل الحضور النادل اعجاب وهبل
‏
‏مخلوقةٍ من طين ، ولا من عطور
‏كل حسن بالدنيا .. خذت منّه دبل

‏قالت وش اسمك ؟ قلت انا المدعو غيور
‏من يقتله غيمٍ على ثوبك وبل
‏

‏من آدم الاول .. إلى يوم النشور
‏انا اكثر اللي حب في طهر ، ونبل

‏عشرة ليالي .. كانت الاجمل شعور
‏فيها اعتذر وقتي .. عن ايامي قبل

.....