اخترنا لكم شعر نبطي وفصيح

‏تدري وش أكثر شيئ فيني يحبك
قلـبي وروحي والمشاعر والإحساس

ماهـو بكيفي ذاك من جود ربك
وأنت الذي غالي زيادة على الناس

.....

ما معي لك حيل يا قلبي ولا لك معي حيله
‏صبرك اهون من مشاويرٍ ما تحمد عاقبتّهَا
‏
‏لانت ميّت من هوان ولانت ميت من فشيله
‏مالك إلا موتةٍ وحدة متى ما جتك متهَا

.....

نظافة القلب هي رزقك من الدنيا
‏مهما تضايقت لا تحقد ولا تكره

.....

عسى الماضي اللِي فات ما يلتفت للجاي
‏وعسى الجاي ما ياخذ طبوعه مِن الماضي

.....

يالله ثبتنا على دين الاسلام
يوم البشر هالوقت زلّت خطاها

ثم اكفنا شر الليالي والايام
واكتب لنا خير الحياة ورخاها

آمين

‏كشفتي لي ملامحك الفريدة كنّك تقولين
‏سلام الله سلامٍ يلجم الشعّار فرداً فرد

.....

تهقوَيْت المساء والناس عَجلى والسنين عجاف
‏معي من ويْن ما هبّ الهوى صفحة مواعيْده

‏وِش أتبع من مراوِيْح السحايب فأوَّل المشراف
‏وأنا نفسي عزيزة والبروْق تلوْح في جِيْده

‏يا أبو ظلٍّ وراه أسوْق عمري ما علي خلاف
‏أحبَّك وأنت قلبك وش خذاه إلَّا تقاليْده

.....

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يا بعد حالـي ومالي

.....

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

‏اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

.....