اخترنا لكم شعر نبطي وفصيح

يا رب يا من في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

.....

‏يا وقـت امانه هــل تَغيـرت او الناس
هي مـن تغيــــر حالهــا والطبيعه

زمــان كان الطيـــب عـــــزه ونوماس
واليوم صار الطيـب مكر وخديعة

ياوقت ليت تشوف كيف صارو الناس
ضاع الوفاء فيهــم وقاموا ببيعه

قلبي من افعـال البشــر صابه الياس
والروح من كيــد الاوادم وجيعه

.....

ان كان تبغى كلمة الراس للراس
وتجارب الاجواد بعدي وقبلي

نصيحتي لاتفرح بغرة الناس
ولا تشمت بعاجز وتضحك بمبلي

.....

‏ودعتك الله ورحت أطوي طوال الدروب
‏ولا عليّ الملام ولا عليك الملام

‏أقبلت مثل السحاب ورحت مثل الهبوب
‏وكبرت في ليلة الفرقا ثلاثين عام

.....

‏غيابك حضورٍ له بصدر البيوت شهود
‏وش اللي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

.....

‏تقدّيت بكلامي ما تقدّيت بكلام الناس
‏خسارات الدروب آهمّ عندي من مكاسبها

‏أنا مانيب ناقص معرفة ولا بليد إحساس
‏عشان آحط نفسي في مكانٍ ما يناسبها

.....

ما تركتك في توقاد الهوى والشوق واعي
‏كيف عاد أترك دروبك والزِّمان يحد سيفه

‏أندفع لك من مغبات الجوَى وأنت إندفاعي
‏قلبك إن ماصدني برده أبى أهلك في مصيْفه

‏أذكرك وأعرِف تفاصيل آخرك وأسمعك داعي
‏ليش وجهك يوم عاد لديرته ما عاد طيفه

.....

‏جيتك غريبٍ ضايع الخطوات في ليلٍ طويل
‏أبصرت بك فجرٍ ضحك لي نوره وغيثه همى

‏من جرب وصالك معاد يطيب له غيرك بديل
‏يشوفك لحالك سحابه والبشر كلهم ظما

.....

‏ماتركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فانا اوّل من يشيله
‏وان تمادى بالسهر ليله فانا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

‏عنتر إللي تجفل الفرسان من سطوة ذراعه
‏يبكي إليا طرّو السمّار عبله بنت مالك

‏لا تخليني تـرا مافي أشد من القطاعـه
‏لا تخليني ومـريني إذا مـريت بـالك

‏أنتي النسوه ونون النسوه و واو الجماعه
‏أنتي إعجوبه ولا يعجب جمال إلا جمالك

.....