فوق هام السحب ( الشعر الشعبي) على متن القوافي

‏ودّي إني في المجره وأسولف للنجوم
‏لا أتكلم مع هل الأرض ولا أسمع كلام

.....

‏واجبك عن هرج الردي تقفل الباب
‏ خله يثور بندقه في زهابه

‏الداب سمه في عروقه والإنياب
‏ لا تامنه والسم في وسط نابه

‏اما لدغك وصار من ضمن الاسباب
‏والا دخل في داركم وحتجابه

‏قدام لا تفتح على نفسك ابواب
‏ابعد عن اللي ما ينومس جنابه

.....

‏راع الوفاء نفرح بشوفه ولقياه
‏طيبه رياجيل المعرفه تعده

‏وراع الرداء يا سعد عيني بفرقاه
‏لا صار فعله لرديه يحده

.....

‏عشتك كتاب وتايهٍ في فصولك
‏تعبت افهرس في صفاتك واعدّك

‏لو كان لي حظٍ يجود وينولك
‏ما ماتت اشواقي على اسوار حدك

‏باقي على ذكراك وارقب وصولك
‏عسى الدروب تزلّ يوم وتردّك

.....

‏الذنُوب اكثار والخاطر هزيل
‏والأجر مطلُوب والدنيا رحى

‏العمر يمشي مثل عابر سبيل
‏والقِدَر ما ميّز اكبار اللحى
‏
‏البخيل اللي نسى نفسه بخيل
‏ماتصدق عن مفاصله و وحى

‏ركعتينٍ قبل ما ظلك يميل
‏اطلب التوبه وقم صل الضحى

.....

‏مافي يدي جنه ولا في يدي نار
‏وشلون ابغفر ذنبك اللي جنيته

‏تعبت ادور لك عذر بين الاعذار
‏لكنّ عذراً يقبلك ما لقيته

.....

‏من لا يداري خاطرك لا تداريه
‏بعض المدارى للخواطر مذله

‏كم واحد تتعب على شان ترضيه
‏ويصير ظنك فيه ماهو محله

‏والصحبه اللي من وراها مشاريه
‏احظر تجامل صحبته رح وخله

‏عليك باللي كل ماحل طاريه
‏كلمة نعم تنساقله وتحصله

.....

‏والله إني في المحبه مشتريك
‏خل قلبي يآخذ إلي ماخذا

‏أعشقك وأغليك وأحبك وأبيك
‏ايش تبي أقول أكثر من كذا

.....

إن دعاك الحب في شوق وعناق
‏أرمي الماضي على ليلٍ شنيع

‏وإن تفارقنا قبل يوم الفراق
‏أبكي بشرهة على الحب الوديع

.....

‏عليك الامان اظهر تراني من التفكير
‏تعبت اكتب الابيات وتروح دون اسمي

‏انا فاقدك بالحيل واتعبني التغيير
‏من حسابي الوهمي إلى حسابي الرسمي

.....